வகை வகையா சாப்பாடு இருக்கும்… விஜய் வீட்டில் சாப்பிட போன அனுபவம்!” – சஞ்சீவ், ப்ரீத்தி ஓபன் டாக்..

தமிழ் சினிமாவில் முன்னணி ஹீரோவாக ரசிகர்களின் பெரும் ஆதரவை பெற்ற நடிகர் விஜய், தற்போது “ஜனநாயகன்” என்ற திரைப்படத்தில் நடித்து வருகிறார். பிரம்மாண்டமாக உருவாகி வரும் இந்த படம், விஜய்யின் கடைசி திரைப்படம் என்பதும் குறிப்பிடத்தக்கது.

இப்படத்தை ஹெச். வினோத் இயக்குகிறார். அரசியலில் முழுமையாக ஈடுபட முடிவு செய்துள்ளதால், விஜய் திரையுலகில் இருந்து விலகிக்கொண்டு உள்ளார். “ஜனநாயகன்” திரைப்படத்தில் விஜய்க்குடன் பூஜா ஹெக்டே, மமிதா பைஜூ, ப்ரியாமணி, பாபி தியோல், கவுதம் வாசுதேவ் மேனன், நரேன் உள்ளிட்ட பலர் முக்கிய கதாப்பாத்திரங்களில் நடித்துவருகின்றனர். ஸ்ருதி ஹாசன் கேமியோ ரோலில் நடிக்கவுள்ளதாக தகவல்கள் வெளியாகியுள்ளன. இப்படத்திற்கு இசையமைப்பாளர் அனிருத் இசையமைக்கிறார்.

சமீபத்தில் விஜயின் பிறந்த நாளை முன்னிட்டு, “ஜனநாயகன்” திரைப்படத்திலிருந்து ஒரு கிலிம்ப்ஸ் வீடியோ வெளியிடப்பட்டது. இது ரசிகர்களிடம் மிகுந்த வரவேற்பைப் பெற்றது. இந்த நிலையில், விஜய்யின் நெருங்கிய நண்பர் மற்றும் சின்னத்திரை நடிகரான சஞ்சீவ் வெங்கட், ஒரு தொலைக்காட்சி நிகழ்ச்சியில் பேசினார். அவரது மனைவி ப்ரீத்தி, சின்னத்திரை நடிகையாக இருக்கிறார். அவர்கள் இருவரும் நிகழ்ச்சியில் கலந்து கொண்டு, விஜயின் வீட்டிற்கு அடிக்கடி செல்வது பற்றியும், அங்குள்ள உணவுகளையும் குறித்து பேசினர்.

“அடிக்கடி விஜயின் வீட்டில் தான் சாப்பாடு இருக்கும். அங்குச் செல்வோம் என்றால் வகை வகையான உணவுகள் இருக்கும். விஜய் சமைப்பதில்லை. ஆனால் அவரது மனைவி சங்கீதா சமைப்பாங்க. அவருக்கு சமைக்க ரொம்ப நல்லா வரும்,” என அவர்கள் தெரிவித்தனர். அதே நிகழ்ச்சியில் தொகுப்பாளினி விஜய்க்கு பிடித்தமான உணவு எது என்று கேட்டபோது, “விஜய்க்கு மட்டன் பிரியாணி ரொம்பவே பிடிக்கும்,” என சஞ்சீவ் பதிலளித்தார்.