தக் லைஃப் படத்தில் த்ரிஷா காதாபாத்திரம் பற்றி மணிரத்னம் கூறிய விசேஷம்..

தென்னிந்திய சினிமாவின் உச்ச நட்சத்திரங்களில் ஒருவராக வலம் வருபவர் நடிகை த்ரிஷா. 42 வயதை எட்டிய த்ரிஷா, இன்றும் பிஸியான நடிகையாக வலம் வருகிறார். மேலும், அதிக சம்பளம் வாங்கும் தென்னிந்திய நடிகைகளில் இவரும் ஒருவர்.

அடுத்து, த்ரிஷா நடிப்பில் திரைக்கு வர இருக்கும் திரைப்படம் ‘தக் லைஃப்’. மணிரத்னம் இயக்கத்தில் கமல், சிம்பு, த்ரிஷா, அபிராமி உள்ளிட்ட நட்சத்திர பட்டாளம் நடித்துள்ள இப்படம், வரும் ஜூன் 5-ம் தேதி திரையரங்குகளில் வெளியாக உள்ளது. இப்படத்தின் முதல் பாடல் வெளியாவதால் நல்ல வரவேற்பு கிடைத்துள்ளது. மேலும், நேற்று த்ரிஷா நடனத்தில் ‘சுகர் பேபி’ என்ற இரண்டாவது பாடல் வெளியானது.

இந்த நிலையில், இயக்குநர் மணிரத்னம் த்ரிஷாவின் கதாபாத்திரம் பற்றி கூறியதாவது: “தக் லைஃப் படத்தில் த்ரிஷாவின் கதாபாத்திரம் ‘பொன்னியின் செல்வன்’ படத்தில் நடித்த குந்தவைக்கு முற்றிலும் நேர்மாறாக இருக்கும். நான் அவரிடம் இந்த படத்தில் உங்களது கதாபாத்திரம் குந்தவைக்கு மாறாக இருக்கும் என்று சொன்னேன், த்ரிஷாவும் அதற்கு ஒப்புக்கொண்டார்” என்று அவர் பகிர்ந்துள்ளார்.