தக் லைப் பிளாப்: முதன்முறையாக பேசும் மணிரத்னம் – என்ன சொன்னார் தெரியுமா?

மணிரத்னம் இயக்கத்தில் கமல்ஹாசன், சிம்பு மற்றும் த்ரிஷா உள்ளிட்டோர் நடிப்பில் உருவாகிய ‘தக் லைப்’ திரைப்படம் கடந்த ஜூன் 5 ஆம் தேதி திரையிடப்பட்டது. பலத்த எதிர்பார்ப்புகளுடன் வெளியான இந்த படம், முதல் நாளிலேயே எதிர்மறையான விமர்சனங்களை சந்திக்க வேண்டிய நிலை ஏற்பட்டது.

முதற்காட்சியிலிருந்து படம் எதிர்பார்ப்புகளை பூர்த்தி செய்யவில்லை என ரசிகர்கள் விமர்சனம் தெரிவித்தனர். இதன் காரணமாக, வசூலிலும் எதிர்பார்த்த அளவுக்கு பெரிய முன்னேற்றம் இல்லை. 38 ஆண்டுகள் கழித்து கமல்ஹாசன் மற்றும் மணிரத்னம் இணைந்திருக்கும் திரைப்படமாக இதைத் தொடர்ந்து ரசிகர்கள் மிகவும் எதிர்பார்த்த நிலையில், படம் எதிர்பார்த்த அளவுக்கு இல்லை என்பதே பொதுவான விமர்சனமாக இருந்து வருகிறது. இதனால், ‘தக் லைப்’ ஒரு பெரிய பிளாப் ஆகிவிட்டது என கூறப்படுகிறது.

இந்நிலையில், இப்படம் தொடர்பாக இயக்குநர் மணிரத்னம் முதன்முறையாக தனது கருத்தை தெரிவித்துள்ளார். அவர் கூறியதாவது: “எங்கள் இருவரிடமிருந்தும் இன்னொரு ‘நாயகன்’ படம் வரும் என நினைத்தவர்களுக்கு, நான் சொல்வது ஒன்றே — எங்களை மன்னித்து விடுங்கள். நாங்கள் முற்றிலும் வேறு ஒன்றைச் செய்ய விரும்பினோம். இது ஒரு வித்தியாசமான முயற்சி. இது ஓவர் எதிர்பார்ப்பு என்பதைத் தாண்டி வேறு விதமான எதிர்பார்ப்புகளை ஏற்படுத்தியது.” மணிரத்னத்தின் இந்த பேச்சு தற்போது திரையுலகத்தில் பரபரப்பை ஏற்படுத்தி வருகிறது. ‘தக் லைப்’ திரைப்படம் தொடர்பாக வரும் நாட்களில் மேலும் விளக்கங்கள் வெளியாகும் என எதிர்பார்க்கப்படுகிறது.