100 கோடியை கூட தொடாத ‘தக் லைஃப்’ – படு தோல்வி வசூல் விவரம்..

மணி ரத்னம் இயக்கத்தில் உருவாகி, கமல் ஹாசன் முக்கிய கதாபாத்திரத்தில் நடித்துள்ள ‘தக் லைஃப்’ திரைப்படம் கடந்த வாரம் வெளியானது. பிரம்மாண்டமான தயாரிப்பில் வந்துள்ள இந்தப் படத்தில் சிம்பு, த்ரிஷா, அபிராமி, ஜோஜு ஜார்ஜ், நாசர், அசோக் செல்வன் உள்ளிட்ட பலரும் முக்கிய வேடங்களில் நடித்துள்ளனர். இசை அமைப்பாளராக ஏ.ஆர். ரஹ்மான் பணியாற்றியுள்ளார்.

கேங்ஸ்டர் பின்னணியில் உருவான இந்த திரைப்படம், கமல் – மணி ரத்னம் கூட்டணி மீதான எதிர்பார்ப்பை ஏற்படுத்தியது. ஆனால், படம் திரைக்கு வந்த பிறகு பெரும்பாலான ரசிகர்கள் எதிர்பார்த்ததை பெற முடியவில்லை என கூறப்படுகிறது. இதனால் சமூக வலைதளங்களில் கடுமையான விமர்சனங்கள் எழுந்தன. பலரும் திரைப்படத்தை ட்ரோல் செய்தும் வந்தனர். முதல் நாள் உலகளவில் படம் நல்ல வரவேற்பை பெற்றாலும், அதற்குப் பிறகு பாக்ஸ் ஆபிஸில் படத்துக்கு சரிவு ஏற்பட்டது. இதனால், ‘தக் லைஃப்’ தற்போது ஒரு பெரிய இழப்பாகவே பார்க்கப்படுகிறது.

இந்த நிலையில், படம் வெளியான 9 நாட்களுக்குப் பிறகு உலகளவில் இதுவரை ரூ.88 கோடி மட்டுமே வசூல் செய்துள்ளதாக தகவல்கள் வெளியாகியுள்ளன. ரூ.100 கோடி வசூலிக்குமா என்பதையே தற்போது திரைப்பட வட்டாரங்கள் சந்தேகத்துடன் பார்த்துக் கொண்டு வருகின்றன.