“போன் கூட எடுக்க மாட்டார்கள்!” – பாலிவுட் ஆரம்ப அனுபவத்தை வெளிப்படையாக கூறிய ரகுல் ப்ரீத் சிங்

இந்திய சினிமாவில் தனக்கென உறுதியான இடத்தைப் பிடித்துள்ள முன்னணி நடிகைகளில் ஒருவர் Rakul Preet Singh. கன்னடத்தில் வெளியான Gilli திரைப்படத்தின் மூலம் திரையுலகில் அறிமுகமான அவர், அதன் பின்னர் தெலுங்கு, தமிழ், ஹிந்தி என பல மொழிப் படங்களில் தொடர்ந்து நடித்து கவனம் பெற்றார். தமிழில் தீரன் அதிகாரம் ஒன்று, என்.ஜி.கே, அயலான், இந்தியன் 2 போன்ற படங்களில் நடித்ததன் மூலம் ரசிகர்களிடையே நல்ல பெயரை சம்பாதித்தார். சமீபத்தில் இந்தியில் வெளியான De De Pyaar De 2 படமும் அவருக்கு நல்ல வரவேற்பை பெற்றுத்தந்தது.

இந்நிலையில், பாலிவுட் திரையுலகில் தனது ஆரம்ப கால அனுபவங்களை பற்றி பேட்டி ஒன்றில் ரகுல் ப்ரீத் சிங் வெளிப்படையாக பகிர்ந்துள்ளார். “பாலிவுட்டில் நான் அறிமுகமான போது என்னை ஒரு புதிய நடிகையாகத்தான் பார்த்தார்கள். நடிகர்கள், இயக்குநர்களுக்கு போன் செய்தால் கூட பல சமயங்களில் எடுக்க மாட்டார்கள். சில ஆடிஷன்களுக்காக அலுவலகங்களில் மணிக்கணக்கில் காத்திருந்த அனுபவங்களும் இருக்கின்றன. ஆனால் அந்த கடினமான சூழ்நிலைகளே எனக்கு மன உறுதியையும் தன்னம்பிக்கையையும் அளித்தன” என அவர் கூறியுள்ளார். அவரது இந்த அனுபவப் பகிர்வு, திரையுலகில் புதிதாக பயணத்தை தொடங்கும் பலருக்கும் ஒரு ஊக்கமாக அமைந்துள்ளது.