என்னப்பா போவோமா – ‘கங்குவா’ திரைப்படத்தின் முதல் நாள் வசூல் விவரத்தை வெளியிட்டது படக்குழு..!!

சிறுத்தை சிவா இயக்கத்தில் சூர்யா நடிப்பில் உருவான ‘கங்குவா’ திரைப்படம் உலகம் முழுவதும் வெளியான முதல் நாளில் செய்துள்ள வசூல் விவரத்தை தயாரிப்பு நிறுவனம் வெளியிட்டுள்ளது.

மிரட்டல் நாயகன் சூர்யாவின் கச்சிதமான நடிப்பில் மிக பிரம்மாண்டமாக உருவான திரைப்படமே கங்குவா . தமிழ் சினிமாவில் பல சூப்பர் ஹிட் படங்களை இயக்கிய சிறுத்தை சிவா இயக்கத்தில் உருவான இப்படத்தை UV கிரியேஷன்ஸ் மற்றும் ஸ்டூடியோ கிரீன் நிறுவனங்கள் பிரம்மாண்ட பொருட் செலவில் தயாரித்துள்ளது.

சூர்யா , திஷா பதானி, பாபி தியோல், யோகி பாபு, ரெடின் கிங்ஸ்லி உள்ளிட்ட பல முன்னணி நட்சத்திரங்கள் நடிப்பில் உருவான இப்படம் நேற்று உலகெங்கும் உள்ள 11 ஆயிரத்திற்கும் மேற்பட்ட திரையரங்குகளில் கோலாகலமாக வெளியானது.

பல தடைகளை தகர்த்தெறிந்து திரையரங்குகளில் வெளியான இப்படத்திற்கு ரசிகர்கள் மத்தியில் கலவையான விமர்சனங்கள் வந்துகொண்டிருக்கும் நிலையில் தயாரிப்பு நிறுவனம் தற்போது இப்படத்தின் முதல் நாள் வசூல் விவரத்தை வெளியிட்டுள்ளது.

அதன்படி மாபெரும் எதிர்பார்ப்புகளுக்கு மத்தியில் திரையரங்குகளில் நேற்று வெளியான கங்குவா உலகம் முழுவதும் வெளியான முதல் நாளில் 58.62 கோடி வசூலைப் பெற்றுள்ளதாக சிறப்பு போஸ்டர் மூலம் படக்குழு அறிவித்துள்ளது.