பள்ளி படிப்பை முடித்த தியா! சூர்யா – ஜோதிகா மகளின் பட்டமளிப்பு விழா புகைப்படம் வைரல்!

தமிழ் சினிமாவில் பிரபல நட்சத்திர ஜோடிகள் சூர்யா மற்றும் ஜோதிகா.
இவர்கள் ‘பூவெல்லாம் கேட்டுப்பார்’, ‘காக்க காக்க’, ‘மாயாவி’, ‘சில்லுனு ஒரு காதல்’, ‘உயிரில் கலந்தது’ உள்ளிட்ட பல திரைப்படங்களில் ஜோடியாக நடித்துள்ளனர்.

இந்தப் படங்களில் இணைந்து பணியாற்றியதிலிருந்து இருவருக்கும் இடையே காதல் உருவானது. பின்னர், 2009ம் ஆண்டு இரு குடும்பங்களின் சம்மதத்துடன் அவர்கள் திருமணம் செய்து கொண்டனர்.

இவர்களுக்கு தியா என்ற மகளும், தேவ் என்ற மகனும் உள்ளனர். சமீபத்திய ஆண்டுகளில் தங்கள் பிள்ளைகளின் கல்விக்காக சூர்யா – ஜோதிகா குடும்பம் மும்பைக்கு மாறியது. இதனால் சில சர்ச்சைகள் எழுந்தன.அதற்கான விளக்கமும், காரணமும் இருவரும் தெளிவாக தெரிவித்திருந்தனர்.

இந்நிலையில், இந்த ஆண்டு சூர்யா – ஜோதிகா மகள் தியா தனது பள்ளிப் படிப்பை மும்பையில் முடித்துள்ளார். இன்று அதற்கான பட்டமளிப்பு விழா நடைபெற்றது. சூர்யா மற்றும் ஜோதிகா, தங்களது மகளுடன் சேர்ந்து எடுத்துக்கொண்ட புகைப்படங்கள் தற்போது இணையத்தில் வெளியாகி வைரலாகி வருகின்றன.