குட் நைட் இயக்குநருக்கு சிவகார்த்திகேயனின் அன்பான பரிசு.. ஏன் தெரியுமா?

தமிழ் சினிமாவின் முன்னணி நாயகன் சிவகார்த்திகேயன் சமீபத்தில் வெளியான ‘அமரன்’ படத்தில் நடித்து சிறந்த வரவேற்பையும் வசூல் சாதனையும் பெற்றார். அடுத்ததாக, ஏ.ஆர். முருகதாஸ் இயக்கத்தில் உருவாகி வரும் ‘மதராஸி’ படத்தில் சிவகார்த்திகேயன் நடித்தார். அந்த படத்தின் படப்பிடிப்புகள் முடிந்ததும், இவர் சுதா கொங்கரா இயக்கத்தில் உருவாகும் ‘பராசக்தி’ திரைப்படத்தில் நடிக்கிறார்.

இதற்கு பிறகு, சிவகார்த்திகேயனின் 24-வது படத்தை ‘குட் நைட்’ பட இயக்குநர் விநாயக் சந்திரசேகரன் இயக்க இருப்பதாக தகவல் வெளியாகியுள்ளது. இந்நிலையில், இயக்குநர் விநாயக் சந்திரசேகரனின் பிறந்தநாளை முன்னிட்டு, சிவகார்த்திகேயன் அவருக்கு வாழ்த்து கூறி சிறப்பு பரிசு வழங்கினார்.

இதைக் குறித்த புகைப்படத்தை இயக்குநர் விநாயக் தனது ட்விட்டர் பக்கத்தில் பகிர்ந்து, “வாழ்த்துகள் மற்றும் பரிசுக்கு மிக்க நன்றி சிவகார்த்திகேயன் அண்ணா. இந்த வருட பிறந்தநாளை இது மிகவும் சிறப்பாக்கியது” என்று கூறியுள்ளார். இந்த பதிவு தற்போது இணையத்தில் வைரலாகி வருகிறது.

Thank you so much for the wishes and gift @Siva_Kartikeyan anna ❤️
This year bday is very special !! pic.twitter.com/9tG5izPNQ9

— Vinayak Chandrasekaran (@imvinayakk) June 24, 2025