சிவகார்த்திகேயனின் புது படம் OTT விற்பனை – எத்தனை கோடி தெரியுமா?

தமிழ் சினிமாவில் முன்னணி நடிகராக உயர்ந்துள்ள சிவகார்த்திகேயன், தற்போது புகழின் உச்சியில் வலம் வருகிறார். இவர் சமீபத்தில் நடித்த “அமரன்” திரைப்படம் ரசிகர்கள் மத்தியில் நல்ல வரவேற்பை பெற்றது. வசூலிலும் சிறந்த சாதனை படைத்த இப்படம், அவருக்கு மேலும் ஒரு முக்கிய வெற்றியைத் தந்துள்ளது.

இப்போது, சிவகார்த்திகேயன் ஏ.ஆர்.முருகதாஸ் இயக்கும் “மதராஸி” மற்றும் சுதா கொங்கரா இயக்கும் “பராசக்தி” என இரண்டு பிரம்மாண்டமான திரைப்படங்களில் நடித்து வருகிறார். அவற்றில் “மதராஸி” படம் ஒரு ஆக்ஷன் திரில்லராக உருவாகி வருகிறது. இதில் ஹீரோயினாக ருக்மணி வசந்த் நடிக்கிறார். முக்கிய கதாபாத்திரங்களில் விட்யுத் ஜம்முவால் மற்றும் பிஜு மேனனும் இணைந்துள்ளனர். இப்படம் தமிழ், தெலுங்கு, கன்னடம், மலையாளம், ஹிந்தி ஆகிய ஐந்து மொழிகளில் செப்டம்பர் 5ஆம் தேதி உலகமெங்கும் வெளியிட திட்டமிடப்பட்டுள்ளது.

இந்த நிலையில், இப்படத்தின் OTT விநியோகம் தொடர்பான தகவல் தற்போது வெளியாகியுள்ளது. அதன்படி, “மதராஸி” திரைப்படத்தின் ஸ்ட்ரீமிங் உரிமையை நெட்ஃப்லிக்ஸ் ரூ. 23 கோடிக்கு வாங்கியுள்ளது. இந்த ஒப்பந்தம் திரைப்படத்தின் மீதான எதிர்பார்ப்பை மேலும் உயர்த்தி உள்ளது. ரசிகர்கள் மற்றும் திரையுலக வட்டாரங்களில் இந்த செய்தி பெரும் கவனத்தை பெற்றுள்ளது.