அர்ஜுனா விருது வென்ற வைசாலிக்கு உதவித்தொகை..!!

செஸ் விளையாட்டில் பல சாதனைகளை நிகழ்த்தி வரும் விளையாட்டு வீரர், வீராங்கணைகளுக்கு தமிழக இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் உதவித்தொகை வழங்கியுள்ளார் .

இதுகுறித்து அமைச்சர் உதயநிதி வெளியிட்டுள்ள செய்தியில் கூறிருப்பதாவது :

நம் திராவிட மாடல் அரசில் தமிழ்நாட்டு விளையாட்டு மேம்பாட்டுத் துறை எண்ணற்ற உயரங்களை தொட்டு வருகிறது.

விளையாட்டில் திறமையுள்ள ஒவ்வொரு வீரர் – வீராங்கனையையும் ஊக்கப்படுத்தி , அவர்களுக்குத் தேவையான உதவிகளை செய்து வருகிறோம்.

அதன் தொடர்ச்சியாக, செஸ் விளையாட்டில் முத்திரை பதித்து வரும் தம்பிகள் @rpraggnachess, @DGukesh ஆகியோருக்கு கழக அரசின் ELITE திட்டத்திட்டத்தின் கீழும்.

செஸ் வீராங்கனை சகோதரி @chessvaishali-க்கு தமிழ்நாடு சாம்பியன்ஸ் அறக்கட்டளையில் இருந்து மூவருக்கும் தலா ரூ.15 லட்சத்துக்கான காசோலைகளை சர்வதேச அளவிலான பயிற்சிகளை பெறுவதற்காக இன்று வழங்கினோம். நம் தமிழ்நாட்டு செஸ் வீரர் – வீராங்கனையருக்கும் என் அன்பும், வாழ்த்தும் என அமைச்சர் உதயநிதி வெளியிட்டுள்ள செய்தியில் தெரிவிக்கப்பட்டுள்ளது.