பறந்து போ திரைப்படம்: முதல் நாள் வசூல் விவரம் வெளியானது..

தமிழ் சினிமாவின் தலைசிறந்த இயக்குநர்களில் ஒருவர் ராம். இவர் கற்றது தமிழ், தங்க மீன்கள், தரமணி, பேரன்பு உள்ளிட்ட சிறந்த படைப்புகளை தமிழ் சினிமாவிற்கு வழங்கி உள்ளார்.

இவர் இயக்கத்தில் ஐந்தாவது திரைப்படமாக பறந்து போ படம் வெளியாகியுள்ளது. இப்படத்தில் ஹீரோவாக மிர்ச்சி சிவா நடித்துள்ளார். அதே நேரத்தில் கிரேஸ் ஆண்டனி, அஞ்சலி, அஜூ வர்கீஸ், மிதுல் ரயான் உள்ளிட்டோர் இப்படத்தில் நடித்துள்ளனர்.

நேற்று திரையரங்குகளில் வெளியான இப்படத்திற்கு மக்கள் மத்தியில் அமோக வரவேற்பு கிடைத்துள்ளது. இந்நிலையில், ராமின் பறந்து போ திரைப்படம் முதல் நாளே உலகளவில் ரூ. 90 லட்சம் வசூல் செய்துள்ளதாக தகவல் வெளியாகியுள்ளது. கண்டிப்பாக இனி வரும் நாட்களில் இப்படத்தின் வசூல் அதிகரிக்கும் என எதிர்பார்க்கப்படுகிறது.