8 நாட்களில் பறந்து போ செய்த வசூல்… எவ்வளவு தெரியுமா?

இயக்குநர் ராம் சினிமாவில் 18 ஆண்டுகளாக பயணித்து வருகிறார். ‘கற்றது தமிழ்’ படத்தின் மூலம் திரை உலகில் அடியெடுத்தார். அதன் பின்னர் ‘தங்க மீன்கள்’, ‘தரமணி’, ‘பேரன்பு’ ஆகிய திரைப்படங்களை இயக்கியுள்ளார். இவரது இயக்கத்தில் ஐந்தாவது படமாக ‘பறந்து போ’ திரைக்கு வந்துள்ளது.

இந்த படத்தில் மிர்ச்சி சிவா முதன்முறையாக ராம் இயக்கத்தில் நடித்துள்ளார். மேலும் மலையாள நடிகை கிரேஸ் ஆண்டனி கதாநாயகியாக தமிழ் சினிமாவில் அறிமுகமாகியுள்ளார். கடந்த வாரம் திரைக்கு வந்த ‘பறந்து போ’ உலகளவில் நல்ல வரவேற்பைப் பெற்றுள்ளது.

சமீபத்தில், இப்படத்தின் வெற்றியை கொண்டாடும் வகையில் படக்குழுவினர் பத்திரிக்கையாளர்களை சந்தித்து தங்களது நன்றியை தெரிவித்தனர். இந்த நிலையில், பாக்ஸ் ஆபிஸில் 8 நாட்களை கடந்துள்ள ‘பறந்து போ’ திரைப்படம் உலகளவில் ரூ. 6.8 கோடி வசூல் செய்துள்ளதாக தகவல் வெளியாகியுள்ளது.