நாக சைதன்யா, சாய் பல்லவி நடிப்பில் உருவான ‘தண்டல்’ படத்தின் ரிலீஸ் தேதி வெளியானது..!!

நாக சைதன்யா, சாய் பல்லவி நடிப்பில் உருவாகியுள்ள ‘தண்டல்’ திரைப்படத்தின் ரிலீஸ் தேதியை படக்குழு வெளியிட்டுள்ளது.

தெலுங்கு திரையுலகில் முன்னணி நடிகர்களுள் ஒருரவாக வலம் வருபவர் நடிகர் நாக சைதன்யா , நாகர்ஜூனாவின் அன்பு மகனான இவர் தமிழ் , தெலுங்கு என பல மொழி படங்களில் நடித்து வருகிறார்.

திரையுலகில் தனக்கென தனி ரசிகர்கள் பட்டாளத்தை வைத்திருக்கும் இவரது நடிப்பில் தற்போது ரிலீசுக்கு தயாராகி உள்ள திரைப்படமே தண்டல்.

நாக சைதன்யா, சாய் பல்லவி நடிப்பில் உருவாகியுள்ள இப்படம் எப்போது திரைக்கு வரும் என அனைவரும் காத்திருந்த நிலையில் தற்போது இப்படத்தின் ரிலீஸ் தேதியை படக்குழு வெளியிட்டுள்ளது.

அதன்படி ‘தண்டல்’ திரைப்படம் வரும் 2025 பிப்ரவரி 7ம் தேதி வெளியாகும் என சிறப்பு போஸ்டர் மூலம் படக்குழு அறிவித்துள்ளது.

தமிழ், தெலுங்கு, இந்தி ஆகிய மொழிகளில் வெளியாகும் இப்படத்திற்கு தேவி ஸ்ரீ பிரசாத் இசையமைத்துள்ளது குறிப்பிடத்தக்கது.