விமான பயணத்தில் உயிரைக் கையில் பிடித்துக் கொண்டு – ஜேம்ஸ் வசந்தனின் பதிவு..

நாடு முழுவதும் துக்கம் சூழ்ந்திருக்கும் விஷயம் என்பது, அகமதாபாத்தில் ஏற்பட்ட ஏர் இந்தியா விமான விபத்துதான். 242 பேர் கொண்ட இந்த விமானத்தில் ஏற்பட்ட விபத்தால் 241 பேர் பரிதாபமாக உயிரிழந்தனர். ஒரே ஒருவர் பலத்த காயங்களுடன் உயிர் தப்பினார். சுமார் ஒரு லட்சத்து இருபத்து ஐந்து லிட்டர் எரிபொருளுடன் விமானம் வெடித்து விழுந்ததால் 241 பேர் உயிரிழப்பு ஏற்பட்டது.

மேலும், இந்த விமானம் மருத்துவக் கல்லூரி விடுதி மீது விழுந்ததால், அங்கு இருந்த மருத்துவக் கல்லூரி மாணவர்களில் 10 பேர் சம்பவ இடத்திலேயே உயிரிழந்தனர். பலரும் பலத்த காயங்களுடன் மருத்துவமனையில் அனுமதிக்கப்பட்டுள்ளனர். இறந்தவர்கள் உடல்கள் மீட்கப்பட்டு, டி.என்.ஏ பரிசோதனையுடன் அடையாளம் காணப்பட்டு குடும்பத்தாரிடம் வழங்கப்படுவதாக உள்துறை அமைச்சர் அமித்ஷா தெரிவித்தார். இறந்தவர்கள் குடும்பத்துக்கு ரூ. 1 கோடி இழப்பீடு வழங்கப்படும் என்று டாடா நிறுவனம் அறிவித்துள்ளது. இந்த சம்பவம் முழு நாட்டையும் துயரத்தில் மூழ்க விட்டது.

இந்த விமான விபத்தைத் தொடர்ந்து, இசையமைப்பாளர் ஜேம்ஸ் வசந்தன் தனது முகநூல் பக்கத்தில் ஒரு பதிவு எழுதியுள்ளார். இதில் அவர் கூறியதாவது: “FLIGHT FRIGHT! விமான விபத்து சிலருக்கு அச்சத்தை ஏற்படுத்தும் செய்தியாகும். ஆனால், தற்போது காலத்தில் எல்லோருமே விமானத்தில் பயணம் செய்கிறார்கள். அனைவரும் நம் விமானத்தில் எதுவும் ஆகாது என்ற நம்பிக்கையுடன் பறக்கிறோம். இதற்கு பயந்து விமானப் பயணங்களை தவிர்க்கும் பலர் இருக்கிறார்கள். உலகம் முழுவதும் விமான விபத்துகள் நடக்கின்றன.

2023-ல் 182 விபத்துகள், 2024-ல் 258 விபத்துகள் நிகழ்ந்துள்ளன. இவை சிறிய விபத்துகளிலிருந்து உயிரிழப்பு ஏற்படும் பெரிய விபத்துகள்வரை உள்ளன. ஒரு அல்லது இரண்டு மணி நேர உள்நாட்டுப் பயணங்களில் விமானப் பயண அச்சம் பெரிதாக இருக்காது. ஆனால் வெளிநாட்டுப் பயணம் என்றால் மனநிலையே மாறும். விமானத்தில் ஏறி பறக்கத் தொடங்கும் வரை அச்சம் ஏற்படாமல் இருக்க முடியாது.

அடிக்கடி விமானப் பயணிகள் தன்னம்பிக்கையுடன் பறக்கிறார்கள், சிலர் அதில் கொஞ்சம் அச்சத்தோடு அதை மறக்க முயற்சிக்கிறார்கள், புதிதாய் பறப்பவர்கள் இறங்கும்வரை உயிரை கையில் பிடித்துக் கொண்டு உறங்க முடியாமல் இருக்கிறார்கள். நீண்ட விமானப் பயணங்களில் உங்கள் மன நிலை எப்படி இருக்கும்? விமானப் பயணத்திற்கு நீங்கள் எப்படி தயாராகிறீர்கள்?” இந்த பதிவுக்கு பலரும் கருத்துகள் பதிவிட்டு வருகின்றனர். விமானப் பயணத்தின் போது அவர்களின் மனநிலை, பயணத்திற்கு அவர்களின் தயாரிப்புகள் குறித்து பலர் கருத்துக்களை பகிர்ந்து வருகின்றனர்.