மிக்ஸ்ட் ரிவியூ… ஆனா மாஸ் வசூல்! LIK படம் ரன் தொடருது

கடந்த வாரம் வெளியான Love Insurance Kompany (LIK) திரைப்படம், ஆரம்பத்தில் கலவையான விமர்சனங்களை சந்தித்தபோதிலும், பாக்ஸ் ஆபிஸில் நல்ல நிலைப்பாட்டை பிடித்துள்ளது. Vignesh Shivan இயக்கத்தில் உருவான இப்படத்தில் Pradeep Ranganathan ஹீரோவாக நடித்திருக்க, அவருடன் Krithi Shetty ஜோடியாக நடித்துள்ளார். மேலும் S. J. Suryah, Yogi Babu, Seeman உள்ளிட்டோர் முக்கிய கதாபாத்திரங்களில் நடித்துள்ளனர். முதல் மூன்று நாட்களில் சுமார் 25 கோடி ரூபாய் வசூல் செய்த இப்படம், தற்போது ஐந்து நாட்கள் முடிவில் 45 கோடி ரூபாயை கடந்துள்ளதாக தகவல்கள் வெளியாகியுள்ளன.

பெரிய படங்கள் வெளியீடு இல்லாத சூழ்நிலையில், LIK படம் திரையரங்குகளில் தொடர்ந்து ஓடிக்கொண்டிருப்பதால், வரும் நாட்களிலும் வசூல் மேலும் அதிகரிக்கும் என எதிர்பார்க்கப்படுகிறது. கலவையான விமர்சனங்கள் இருந்தாலும், குடும்ப ரசிகர்கள் மற்றும் இளைஞர்கள் மத்தியில் படம் நல்ல வரவேற்பைப் பெற்று வருவது இந்த வசூல் வளர்ச்சிக்கு முக்கிய காரணமாக பார்க்கப்படுகிறது.