இணையத்தை கலக்கும் நடிகர் மம்மூட்டியின் ‘பிரம்மயுகம்’ பட டிரைலர்..!!

நடிகர் மம்மூட்டியின் மாறுபட்ட நடிப்பில் உருவாகி உள்ள ‘பிரம்மயுகம்’ திரைப்படத்தின் டிரைலர் வெளியாகி தற்போது இணையத்தை கலக்கி வருகிறது .

மலையாள திரையுலகில் முன்னணி நடிகராக வலம் வரும் நடிகர் மம்மூட்டியின் மிரட்டலான நடிப்பில் உருவாகி உள்ள திரைப்படமே ‘பிரம்மயுகம்’.

ராகுல் சதாசிவன் எழுதி இயக்கியுள்ள இப்படத்தை நைட் ஷிப்ட் ஸ்டுடியோஸ் மற்றும் ஒய்நாட் ஸ்டுடியோஸ் பிரம்மாண்ட பொருட்செலவில் தயாரித்து உள்ளது .

கடந்த சில நாட்களுக்கு முன் வெளியான இப்படத்தின் முதல் தோற்றமே ரசிகர்கள் மத்தியில் நல்ல வரவேற்பை பெற்ற நிலையில் அடுத்த சில நாட்களிலேயே படத்தின் டீசர் வெளியாகி ரசிகர்களிடம் தாறுமாறான வரவேற்பை பெற்றது .

அன்று முதல் இப்படத்தை காண ரசிகர்கள் செம ஆவலாக இருக்கும் நிலையில் தற்போது இப்படத்தின் டிரைலரை படக்குழு வெளியிட்டுள்ளது .

திகிலூட்டும் வசனங்கள், கருப்பு வெள்ளைக் காட்சிகள், மம்மூட்டியின் சிரிப்பு என இந்த ட்ரைலரை பார்க்கவே ஒரு தனி தைரியம் வேண்டும் என ரசிகர்கள் கருத்து கூறி வருகின்றனர் .

இப்படம் வரும் பிப்.15 ஆம் தேதி தமிழ் உளப்பட பல மொழிகளில் உலக முழுவதும் உள்ள திரையரங்குகளில் வெளியாக உள்ளது குறிப்பிடத்தக்கது.

படக்குழுவின் இந்த முயற்ச்சி வெற்றி கண்டு மம்மூட்டியின் வெற்றி படங்களில் ஒன்றாக இப்படம் இடம்பெறுமா என்பதை காத்திருந்து பார்க்கலாம்.