ரஜினி கமலுக்கு குட்பாய் சொன்ன லோகேஷ்

Lokesh: கடந்த ஆகஸ்ட் மாதம் வெளியான கூலி திரைப்படம் ரசிகர்கள் எதிர்பார்த்த அளவிற்கு வரவேற்பை பெறவில்லை. விமர்சன ரீதியாகவும் சில பின்னடைவைச் சந்தித்தது. பலரும் சமூக வலைதளங்களில் படத்தையும் இயக்குநர் லோகேஷ் கனகராஜையும் கடுமையாக ட்ரோல் செய்தனர்.

இந்நிலையில், கூலிக்குப் பிறகு லோகேஷ் கனகராஜ் இயக்கவிருக்கும் அடுத்த படம் குறித்து பல்வேறு செய்திகள் வெளிவந்தன. முதலில், கமல் ஹாசன் – ரஜினிகாந்த் இணையும் ஒரு மிகப்பெரிய படம் உருவாகும் என்று தகவல் வெளியாகி பெரும் பரபரப்பை ஏற்படுத்தியது. இந்த இரு சூப்பர் ஸ்டார்களும் இப்படம் உருவாகும் என்பது உண்மைதான் என உறுதியாக கூறியிருந்தாலும், இப்படத்தை யார் இயக்கப்போகிறார்கள் என்பது குறித்து அவர்கள் வெளிப்படையாக தெரிவிக்கவில்லை.

இந்த நிலையில், சமீபத்தில் வெளியாகியுள்ள லேட்டஸ்ட் அப்டேட் என்னவென்றால் — இயக்குநர் லோகேஷ் கனகராஜ் தற்போது நடிகர் பவன் கல்யாணை வைத்து ஒரு புதிய படம் இயக்கத் திட்டமிட்டுள்ளதாக தகவல்கள் தெரிவிக்கின்றன. இப்படத்தை கே.வி.என். புரொடக்ஷன்ஸ் நிறுவனம் தயாரிக்க பேச்சுவார்த்தைகள் நடைபெற்று வருவதாக கூறப்படுகிறது.

குறிப்பாக, கே.வி.என் நிறுவனம் தற்போது நடிகர் விஜய் நடிப்பில் உருவாகி வரும் ஜனநாயகன் படத்தையும் தயாரித்து வருகிறது. அதனால், இந்த புதிய கூட்டணி குறித்து திரையுலகில் பெரும் எதிர்பார்ப்பு நிலவுகிறது. இப்போது ரசிகர்களின் கேள்வி ஒன்று மட்டுமே — லோகேஷ் கனகராஜ் – பவன் கல்யாண் கூட்டணி அதிகாரப்பூர்வமாக அறிவிப்பு எப்பொழுது வரும் என்று காத்துக் கொண்டிருக்கிறார்கள்.