‘குபேரா’ இதுவரை வசூலித்த தொகை எத்தனை கோடி தெரியுமா? முழு விவரம் இதோ!

இந்திய சினிமாவின் முன்னணி நடிகர்களில் ஒருவராக வலம் வருகிறார் தனுஷ். சமீபத்தில் அவர் நடித்த ‘குபேரா’ திரைப்படம் திரையரங்குகளில் வெளியானது. இந்த திரைப்படத்தை தெலுங்கின் பிரபல இயக்குநர் சேகர் கம்முலா இயக்கியிருந்தார்.

வித்தியாசமான கதைக்களத்தில் உருவான ‘குபேரா’ திரைப்படத்தில் தனுஷுக்கு இணையாக ராஷ்மிகா மந்தனா மற்றும் நாகர்ஜுனா முக்கிய கதாபாத்திரங்களில் நடித்துள்ளனர். பெரும் எதிர்பார்ப்புகளுக்கு இடையே வெளியான இப்படம், தமிழில் எதிர்பார்த்த அளவுக்கு வரவேற்பைப் பெறவில்லை. ஆனால் தெலுங்கில் இப்படம் ரசிகர்களிடையே அமோக வரவேற்பைப் பெற்றுள்ளது. இதனால் தெலுங்குப் பகுதியில் இப்படம் வணிகரீதியாக பெரும் வெற்றியைக் கண்டுள்ளது.

இந்த நிலையில், ‘குபேரா’ திரைப்படம் இதுவரை உலகளவில் ரூ.132 கோடியும், தமிழ்நாட்டில் மட்டும் ரூ.23 கோடியும் வசூலித்துள்ளதாக தகவல்கள் வெளியாகியுள்ளன. இந்த வசூல் தரவுகள், தனுஷின் நடிப்பிலும், சேகர் கம்முலாவின் இயக்கத்திலும் ரசிகர்கள் வெளிப்படுத்திய நம்பிக்கையை மீண்டும் ஒரு முறை உறுதி செய்திருக்கின்றன.