“ஆளவந்தான் ரீ ரிலீஸ் தேதி குறித்த அறிவிப்பு வெளியானது! ஆனால் நாளை ஒரு Surprise Update!”

உலகநாயகன் கமல்ஹாசன் நடித்த ‘ஆளவந்தான்’ திரைப்படம் கடந்த 2001 ஆம் ஆண்டு வெளியான நிலையில் மீண்டும் இந்த படம் டிஜிட்டலில் உலகம் முழுவதும் 1000 திரையரங்குகளில் வெளியாக இருப்பதாக சமீபத்தில் இந்த படத்தின் தயாரிப்பாளர் கலைப்புலி S தாணு அறிவித்திருந்தார்.

20 வருடங்களுக்கு முன் வெளியான இந்த படத்தின் திரைக்கதையில் சில மாற்றங்கள் செய்து டிஜிட்டலில் மீண்டும் ரீரிலிஸ் ஆக இருப்பதை அடுத்து இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது.

புதுமைக்கு வித்திட்ட ஆளவந்தான்-ஐ வெளியிடுவதில் அளவில்லா ஆனந்தம் @ikamalhaasan @Suresh_Krissna #Aalavandhan pic.twitter.com/xrNEw5CPX9

— Kalaippuli S Thanu (@theVcreations) November 17, 2023

இந்த நிலையில் ‘ஆளவந்தான்’ திரைப்படம் எட்டுத்திக்கும் எதிரொலிக்க டிசம்பர் 8ஆம் தேதி முதல் திரையரங்குகளில் வெளியாகும் என அறிவிக்கப்பட்டுள்ளது. அது மட்டும் இன்றி ’கடவுள் பாதி மிருகம் பாதி’ என்ற கவிதை பாடல் நாளை மாலை 5.03 மணிக்கு வெளியாகும் என்று அறிவிக்கப்பட்டுள்ளது.

20 ஆண்டுகளுக்கு முன்பே கமல்ஹாசன் பாடிய இந்த பாடல் மிகப்பெரிய வரவேற்பை ரசிகர்கள் மத்தியில் பெற்ற நிலையில் மீண்டும் வித்தியாசமாக வெளிவர இருப்பது கமல் ரசிகர்களுக்கு பெரும் விருந்தாக அமையும் என்று எதிர்பார்க்கப்படுகிறது.