ஜனநாயகன் குறித்து ப்ரியாமணி கூறிய சூப்பர் அப்டேட் – என்ன சொன்னார் தெரியுமா?

ஹெச். வினோத் இயக்கத்தில் தளபதி விஜய் நடித்து வரும் திரைப்படம் ‘ஜனநாயகன்’. இப்படத்தை கே.வி.என் நிறுவனம் பிரம்மாண்டமாக தயாரிக்கிறது. பூஜா ஹெக்டே, மமிதா பைஜூ, ப்ரியாமணி, பாபி தியோல், நரேன் உள்ளிட்ட பலர் இப்படத்தில் முக்கிய கதாபாத்திரங்களில் நடித்து வருகின்றனர். இசை அமைப்பாளராக அனிருத் பணியாற்றுகிறார். இந்த திரைப்படம் தளபதி விஜய்யின் கடைசி படம் என்பதும் சிறப்பு அம்சமாகும். சமீபத்தில், ‘ஜனநாயகன்’ படப்பிடிப்பு முழுமையாக முடிவடைந்தது. இப்படம் அடுத்த ஆண்டு பொங்கல் திருவிழாவை முன்னிட்டு வெளியிடப்படும் என அதிகாரப்பூர்வமாக அறிவிக்கப்பட்டது.

விஜய்யின் பிறந்த நாளையொட்டி, ‘ஜனநாயகன்’ திரைப்படத்தில் இருந்து ஒரு சிறிய கிலிம்ப்ஸ் வீடியோ வெளியிடப்பட்டது. ரசிகர்களிடம் இந்த வீடியோ பெரிய வரவேற்பைப் பெற்றது. ஆனால் அதனைத் தொடர்ந்து, படத்தின் சார்பில் எந்தவொரு புதிய அப்டேட்டும் வெளியாகவில்லை. இந்த நிலையில், ‘ஜனநாயகன்’ திரைப்படத்தில் ஒரு முக்கிய கதாபாத்திரத்தில் நடித்துள்ள ப்ரியாமணி சமீபத்தில் அளித்த பேட்டியில், ரசிகர்களை உற்சாகப்படுத்தும் தகவலை வெளியிட்டுள்ளார்.

அவர் கூறியதாவது:
“விஜய்யுடன் நடிப்பது மிகவும் உற்சாகமாக இருந்தது. ‘ஜனநாயகன்’ ஒரு சூப்பர் ஸ்பெஷல் படம். இதில் நான் ஒரு தனித்துவமான கதாபாத்திரத்தில் நடித்திருக்கிறேன். இது என் கரியரில் மிகச் சிறந்த திரைப்படமாக இருக்கும்,” என தெரிவித்துள்ளார். இப்படியிருக்க, ரசிகர்கள் ‘ஜனநாயகன்’ படத்தின் அடுத்த அப்டேட்டை ஆவலுடன் எதிர்நோக்கி வருகின்றனர்.