ஜனநாயகன் படத்தின் கதை: லேட்டஸ்ட் அப்டேட்!

இயக்குநர் ஹெச். வினோத் இயக்கத்தில் தளபதி விஜய் நடிக்கும் புதிய படம் “ஜனநாயகன்” உருவாகி வருகிறது. இது விஜய்யின் கடைசித் திரைப்படமாகும். இப்படத்தை முடித்தவுடன் முழுமையாக அரசியலில் ஈடுபடும் என்று கூறப்படுகின்றது. இந்தப் படத்தில் விஜய்யுடன் பூஜா ஹெக்டே, மமிதா பைஜூ, ப்ரியாமணி, பாபி தியோல், நரேன் உள்ளிட்ட பல நட்சத்திரங்கள் நடித்துள்ளார்கள். மேலும், ஸ்ருதி ஹாசன் கேமியோ ரோலில் நடிப்பதாகவும் செய்திகள் வருகின்றன. தற்போது படப்பிடிப்பு மிக விறுவிறுப்பாக நடைபெற்று வருகிறது.

“ஜனநாயகன்” ஒரு அரசியல் படம் என்று படத்தின் டைட்டில் போஸ்டரை பார்த்து தெரிகிறது. ஆரம்பத்தில் இப்படம் கமர்ஷியல் படமாக இருக்கும் என சொல்லப்பட்டது, ஆனால் தற்போது இது முழுக்க முழுக்க அரசியல் படமாகவே போகும் என கூறப்படுகிறது.

இந்த படத்தில் வாக்குகளின் முக்கியத்துவம் மற்றும் தேர்தலில் வாக்களிப்பது பற்றி பேசப்படுமெனவும், அது கதையின் மையமாக இருக்கும் என்றும் தகவல் வெளியாகியுள்ளது. மேலும், விஜய் அரசியலில் களமிறங்கியிருப்பதால், இயக்குநர் ஹெச். வினோத் அவருக்கான புரட்சிகரமான வசனங்களை எழுதியிருக்கிறார். அந்த பன்ச் வசனங்கள் தீயாய் இருக்கும் என தெரிவிக்கப்படுகின்றது. ஆனால் இதுவரை இது அனைத்தும் வதந்தி தகவல்கள் என்பதும், உறுதியான தகவல்கள் அல்ல என்பதும் குறிப்பிடத்தக்கது.