முதல் டி20 போட்டியில் இந்தியா – ஆப்கானிஸ்தான் அணிகள் இன்று மோதல் – சீறிப்பாயும் இந்திய அணி..!!

இந்தியா – ஆப்கானிஸ்தான் அணிகள் மோதும் முதல் டி20 போட்டி இன்று மாலை விறுவிறுப்பாக நடைபெற உள்ளது.

இந்தியவுக்கு சுற்று பயணம் மேற்கொண்டுள்ள ஆப்கானிஸ்தான் அணி 3 போட்டிகள் கொண்ட டி20 தொடரில் மல்லுக்கட்ட உள்ளது.

இதில் இந்த இரு அணிகள் மோதும் முதல் டி20 போட்டி வரும் 11ஆம் தேதி மொகாலியிலும், இரண்டாவது போட்டி 14ஆம் தேதி இந்தூரிலும், கடைசி போட்டி 17ஆம் தேதி பெங்களூருவிலும் நடைபெற உள்ளது.

இந்நிலையில் இந்த தொடரில் விளையாட போகும் இரு அணிகளின் வீரர்கள் பட்டியலை கடந்த சில நாட்களுக்கு முன் BCCI அறிவித்தது.

அதன்படி ரோஹித் ஷர்மா தலைமையிலான இந்திய அணியில் HitMan Rohit ரோஹித் ஷர்மா (C), சுப்மன் கில், ஜெய்ஸ்வால், விராட் கோலி, திலக், ரிங்கு சிங், ஜிதேஷ் சர்மா (WK), சஞ்சு சாம்சன் (WK), ஷிவம் துபே, வாசிங்டன் சுந்தர், அக்சர் படேல், ரவி பிஷ்னோய், குல்தீப் யாதவ், அர்ஷ்தீப் சிங், அவேஷ் கான், முகேஷ் குமார் ஆகியோர் இடம்பெற்றுகின்றனர்.

இந்நிலையில் இந்த இரு அணிகள் மோதும் முதல் டி20 போட்டி இன்று இரவு 7 மணிக்கு மொஹாலியில் உள்ள மைதானத்தில் நடைபெறவுள்ளது.

டி20 உலக கோப்பை தொடருக்கு இன்னும் சில மாதங்களே உள்ள நிலையில், அந்த தொடருக்கு தயாராக இந்த தொடர் மிகவும் உதவும் எனபதால் ஆப்கானிஸ்தான் அணிக்கு எதிரான தொடர் முக்கியத்துவம் வாய்ந்ததாக பார்க்கப்படுகிறது.

இந்நிலையில் இன்று நடைபெறும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து பார்க்கலாம்.