வாக்குச்சாவடிக்கு வந்தும் என்னால் வாக்களிக்க முடியவில்லை – நடிகர் சூரி வேதனை..!!!

படப்பிடிப்பில் ஒரு வாக்குச்சாவடிக்கு ஓடி வந்தும் என்னலால் வாக்களிக்க முடியவில்லை என நடிகர் சூரி வேதனை தெரிவித்துள்ளார்.

தமிழகம் மற்றும் புதுச்சேரியில் இன்று ஒரேகட்டமாக மக்களவை தேர்தல் நடைபெற்ற நிலையில் பொது மக்கள் திரை பிரபலங்கள் , அரசியல் தலைவர்கள் என பலரும் ஆர்வத்துடன் வந்து தங்களது பொன்னான வாக்குகளை பதிவு செய்தனர் .

இந்நிலையில் படப்பிடிப்பில் ஒரு வாக்குச்சாவடிக்கு ஓடி வந்தும் என்னலால் வாக்களிக்க முடியவில்லை என நடிகர் சூரி வேதனை தெரிவித்துள்ளார்.

சென்னை சாலிகிராமத்தில் உள்ள வாக்கு சாவடியில் வாக்களிக்க நடிகர் சூரி வந்திருந்தார் . அப்போது அவரது பெயர் வாக்காளர் பட்டியலில் இல்லாததால் அவரால் வாக்களிக்க முடியாத சூழல் ஏற்பட்டது.

இதுகுறித்து செய்தியாளர்களிடம் பேசிய நடிகர் சூரி கூறியதாவது :

கடந்த தேர்தல்களில் நான் வாக்களித்துள்ளேன். இந்த முறை என்னுடைய பெயர் விடுபட்டுள்ளதாக கூறுகின்றனர். யாரோட தவறு என்று தெரியவில்லை. ஜனநாயக கடமையை ஆற்றமுடியவில்லை என்பது மன வேதனையாக உள்ளது என நடிகர் சூரி தெரிவித்துள்ளார்.