🔥 தீபிகா வெளியேற்றம்… கல்கி பார்ட் 2-ல் சுமதி வேடத்தில் சாய் பல்லவி? 🎬

2024-ஆம் ஆண்டு வெளியாகி இந்திய சினிமா வரலாற்றில் முக்கிய இடம் பிடித்த படம் கல்கி 2898 AD. பிரபாஸ், அமிதாப் பச்சன், தீபிகா படுகோன் ஆகியோரின் நடிப்பும், நாக் அஸ்வின் இயக்கமும், கமல் ஹாசனின் மிரளவைக்கும் வில்லன் கதாபாத்திரமும் படத்தை பான்-இந்தியா அளவில் மாபெரும் வெற்றியாக மாற்றியது. இந்த நிலையில், முதல் பாகத்தின் அபார வெற்றியை தொடர்ந்து தற்போது கல்கி – பார்ட் 2 உருவாகி வருகிறது. ஆனால் இதற்கிடையே, ரசிகர்களை அதிர்ச்சியில் ஆழ்த்தும் வகையில், நடிகை தீபிகா படுகோன் இப்படத்தின் இரண்டாம் பாகத்தில் இருந்து வெளியேற்றப்பட்டுள்ளதாக தகவல்கள் வெளியாகின.

இதனால் அவர் நடித்த “சுமதி” கதாபாத்திரத்தில் யார் நடிக்கப்போகிறார் என்ற எதிர்பார்ப்பு ரசிகர்களிடையே அதிகரித்தது. ஆலியா பட், பிரியங்கா சோப்ரா, கியாரா அத்வானி, ராஷ்மிகா உள்ளிட்ட பல முன்னணி நடிகைகளின் பெயர்கள் பேசப்பட்ட நிலையில், தற்போது கிடைத்துள்ள உறுதியான தகவல்படி, கல்கி – பார்ட் 2யில் சுமதி கதாபாத்திரத்தில் நடிகை சாய் பல்லவி நடிக்க உள்ளதாக கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் படக்குழுவால் வெளியிடப்படும் என எதிர்பார்க்கப்படுகிறது. ஏற்கனவே Ek Din, ராமாயணா – பார்ட் 1 போன்ற முக்கிய படங்களில் பிஸியாக இருக்கும் சாய் பல்லவி, இந்த மெகா ப்ராஜெக்டில் இணைவதால் கல்கி – பார்ட் 2 மீதான எதிர்பார்ப்பு ரசிகர்களிடையே மேலும் உச்சத்தைத் தொட்டுள்ளது. 🎬🔥