தீபாவளி ரிலீஸ்களில் பைசன் vs டியூட் – ரசிகர்கள் யாருக்கு கைகொடுக்கிறார்கள்?

Bison or Dude: தீபாவளி என்றாலே தமிழ்சினிமா ரசிகர்களுக்கு ஒரு பெரும் கொண்டாட்டம். ஒவ்வொரு ஆண்டும் இந்த பண்டிகை காலத்தில் முன்னணி நடிகர்கள் தங்கள் படங்களை வெளியிட்டு பாக்ஸ் ஆபீஸில் வெற்றியை நோக்கி பாய்வது வழக்கம். ஆனால் இந்த முறை ஒரு வித்யாசம் ஏற்பட்டுள்ளது. பெரிய நட்சத்திரங்களை விட, இளம் தலைமுறை நடிகர்களான பிரதீப் மற்றும் துருவிக்ரம் தங்கள் படங்களுடன் நேரடியாக போட்டியிட முடிவு செய்துள்ளனர்.

பிரதீப் நடிப்பில் வெளியான Dude படம் ஆரம்பத்தில் இளைஞர்கள் மத்தியில் நல்ல விமர்சனத்தை பெற்றிருந்தாலும், படம் திரையரங்குகளில் வந்த பிறகு கலவையான விமர்சனங்களையே சந்தித்துள்ளது. விமர்சகர்கள் கூறுவதாவது – படம் முழுக்க எண்டர்டெய்ன்மெண்ட் நிறைந்திருந்தாலும், அதில் சொல்லப்படும் கருத்துகள் சமூக மற்றும் கலாச்சார ரீதியாக சர்ச்சையை ஏற்படுத்தும் வகையில் உள்ளன.

பல காட்சிகள் லாஜிக்கே இல்லாமல் சென்று விடுகிறது எனவும், கதைமாந்தர்கள் இயல்பான வளர்ச்சியில்லாமல் அசம்பாவிதமாக நடந்துகொள்கிறார்கள் எனவும் குற்றம் சாட்டப்பட்டுள்ளது.“Time pass” படமாக மட்டும் பார்க்கலாம் என்றாலும், “மீண்டும் பார்க்கும் வகை படம் இல்லை” என பெரும்பாலான விமர்சனங்கள் கூறுகின்றன.அதாவது, Dude ஒரு பொழுதுபோக்கு படம் தான், ஆனால் அதன் உள்ளடக்கத்தில் ஆழம் இல்லை என்று விமர்சனங்கள் குறிப்பிடுகின்றன.

மறுபுறம், மாரி செல்வராஜ் இயக்கத்தில் துருவிக்ரம் நடித்துள்ள பைசன் படம், தீபாவளி ரிலீஸ்களில் ரசிகர்கள் மத்தியில் ஒரு பெரும் வரவேற்பை பெற்றுள்ளது. படம் வெளிவந்த நாளிலிருந்தே சமூக வலைதளங்களில் #BaisonTrend என டிரெண்டாகி வருகிறது. விமர்சகர்களும் ரசிகர்களும் கூறுவதாவது – படம் ஒரு வலுவான சமூக செய்தியைக் கொண்டுள்ளது.

துருவிக்ரம் நடித்துள்ள கதாபாத்திரம் நிஜ வாழ்க்கை போராட்டங்களை பிரதிபலிக்கும் வகையில் உள்ளது.மாரி செல்வராஜின் தனித்துவமான இயக்கம், நிஜத்தன்மை மற்றும் உணர்ச்சி நிறைந்த திரைக்கதையால் படம் “மனதில் நின்று போகும்” வகையில் அமைந்துள்ளது. பலரும் இதை “இப்போதைய சமூக சூழ்நிலையில் தேவைப்பட்ட ஒரு கதை” எனவும், “மாரி செல்வராஜின் சிறந்த படங்களில் ஒன்றாகும்” எனவும் புகழ்ந்து வருகின்றனர்.

தீபாவளி போட்டியில், பைசன் தெளிவாக ரசிகர்களின் இதயத்தை வென்றுள்ளது. சமூக செய்தியுடன் கூடிய ஆழமான கதையால், விமர்சகர்கள் மற்றும் ரசிகர்கள் ஒருமித்த கருத்தில் உள்ளனர் — “இந்த தீபாவளி பெஸ்ட் படம் பைசன்தான்.” Dude ஒரு பொழுதுபோக்கு முயற்சி என்றாலும், பைசன் ஒரு உணர்ச்சி, ஒரு அனுபவம் என ரசிகர்கள் கூறுகிறார்கள்.