அஜித்தின் 65வது படத்தை இந்த இயக்குனர் இயக்க வாய்ப்பு உள்ளது? புதிய கூட்டணி உருவாகுமா?

தன்னுடைய சொந்த வழியில் பயணித்து, சினிமா நடிகர்களுக்கென இருக்கும் மரபுகளை முறியடித்து வரும் நடிகர் அஜித், தற்போது தனது அன்புக்கிணையான கார் ரேசில் முழு கவனத்துடன் ஈடுபட்டுள்ளார். பல வருடங்களுக்கு பிறகு மீண்டும் கார் ரேஸுக்கு திரும்பியுள்ள அவர், போட்டியில் கலந்து கொள்ளும் இடமெல்லாம் வெற்றி பெற்று வருகிறார்.

கார் ரேஸில் முழுமையாக கவனம் செலுத்த வேண்டியிருப்பதால், தற்போது கமிட்டாக உள்ள படங்களை விரைவாக முடித்து, ரேஸ் முடியும் வரை புதிய படங்களில் கமிட்டாக முடியாது என முடிவு செய்துள்ளார். இந்நிலையில், அஜித்தின் 64வது படத்தை ‘குட் பேட்’ புகழ் ஆதிக் ரவிச்சந்திரன் இயக்கவுள்ளார் என்ற தகவல்கள் வெளியாகியுள்ளது. இதன் பின்னணியில், அஜித்தின் 65வது படம் குறித்த தகவலும் கசியியுள்ளது.

அதாவது, சமீபத்தில் சூர்யாவை வைத்து ‘ரெட்ரோ’ என்ற ஹிட் படத்தை கொடுத்த இயக்குநர் கார்த்திக் சுப்புராஜ் கூறிய கதை, அஜித்திற்கு மிகவும் பிடித்து போய், அவர் அந்த கதையை ஏற்றுக்கொண்டதாக தகவல்கள் தெரிவிக்கின்றன. இதனைத் தொடர்ந்து, ரசிகர்கள் இந்த புதிய கூட்டணி அமையுமா என பெரிய எதிர்பார்ப்புடன் இருக்கின்றனர்.