ரோட்டர்டாம் திரைப்பட விழாவுக்கு சென்ற ஏழு கடல் ஏழு மலை படக்குழு! Viral Pics!

கற்றது தமிழ் படத்தின் மூலம் தமிழ் சினிமாவில் அறிமுகமானாவர் இயக்குநர் ராம். அவர் இயக்கிய அனைத்து படங்களும் விருதுகளை குவித்து வருகிறது. ராம், தங்கமீன்கள், தரமணி, பேரன்பு உள்ளிட்ட படங்களை தொடர்ந்து தற்போது நிவின் பாலி, அஞ்சலி மற்றும் சூரி நடிப்பில் ஏழு கடல் ஏழு மலை படத்தை அவர் உருவாக்கி உள்ளார்.

அந்த படம் முதலில் சர்வதேச விருது விழாக்களுக்கு அனுப்பப்பட்டு வருகிறது. மதுரைக்கார பையனாக இருந்து வந்த சூரி தற்போது நெதர்லாந்தில் செம்ம சூப்பர் லுக்கில் எடுத்துக்கொண்ட போட்டோக்களை தனது எக்ஸ் தள பக்கத்தில் வெளியிட்டு ரசிகர்களை ஆச்சரியத்தில் ஆழ்த்தியுள்ளார்.

ராம் இயக்கத்தில் உருவாகியுள்ள ஏழு கடல் ஏழுமலை படம் இன்று ரோட்டர்டாம் விருது விழா நிகழ்ச்சியில் போட்டிக்காக திரையிடப்பட உள்ளதாகவும் ரசிகர்களின் ஆசிர்வாதம் தங்கள் படக்குழுவினருக்கு வேண்டுமென நடிகர் சூரி ட்வீட் ஒன்றை போட்டுள்ளார். பார்க்க சூரியா அல்லது வெற்றிமாறனா என்றே தெரியாத அளவுக்கு சூரியன் லேட்டஸ்ட் லுக் செம சூப்பரா இருக்கிறது.

நெதர்லாந்தில் நின்று கொண்டு பிளேசரை கைகளில் வைத்துக்கொண்டு டி-ஷர்ட் மற்றும் ஜீன்ஸ் உடன் மாஸ் போஸ் கொடுத்திருக்கிறார் சூரி. ரசிகர்களை விழுந்து விழுந்து சிரிக்க வைத்து வந்த காமெடி நடிகர் சூரி தற்போது விருதுகளின் நாயகனாக மாறிவிட்டார். விடுதலை, கொட்டுக்காளி, ஏழுகடல் ஏழுமலை மற்றும் கருடன் என வரிசையாக படங்களைக் கொடுத்து தனது பழைய இமேஜை டோட்டலாக மாற்றிவிட்டார்.

The cosmic clock ticks its final tock! Our film tiptoes into the world at Rotterdam.

All set for a wild ride with its World Premiere today at Rotterdam under the Big Screen Competition!!!

Be with us as we unfold the magic at the global stage.#DirectorRam@NivinOfficial… pic.twitter.com/YyjaVJxq0r

— Actor Soori (@sooriofficial) January 30, 2024

சூரியை புதிய தோற்றத்தில் பார்த்த ரசிகர்கள் கலக்குங்க அண்ணா என்று கமெண்ட் போட்டு வருகின்றனர். விடுதலை 2 படம் குறித்த அப்டேட்டை சொல்லுங்க அண்ணா என்றும் கோரிக்கை வைத்து வருகின்றனர். சிவகார்த்திகேயன் உடன் இணைந்து காமெடியில் கலக்கிய சூரி விரைவில் சிவகார்த்திகேயன் உடன் தனது படத்தையே கிளாஷ் விடுவார் என எதிர்பார்க்கப்படுகிறது.