ஒன் மேன் ஷோவா? – பவன் கல்யாண் படம் விமர்சனம்!

“கப்பர் சிங்” போன்ற பெரிய வெற்றிக்கு பிறகு, ஹரிஷ் சங்கர் – பவன் கல்யாண் கூட்டணி மீண்டும் இணைந்துள்ள “Ustaad Bhagat Singh” படம் ரசிகர்களிடையே மிகுந்த எதிர்பார்ப்பை உருவாக்கியது. அந்த எதிர்பார்ப்பை படம் முழுமையாக நிறைவேற்றியதா என்பது கேள்வியாகவே உள்ளது.

கதை ஒரு அரசியல் பின்னணியில் நகர்கிறது. அதிகாரத்திற்காக எதையும் செய்யத் தயங்காத பார்த்திபனுக்கு எதிராக, தன்னிச்சையான போலீஸ் அதிகாரியாக பவன் கல்யாண் மோதுகிறார். இதில் ராஷி கண்ணா சம்பந்தப்பட்ட சம்பவங்களும், கடத்தல் மற்றும் பிளாஷ்பேக் மூலம் கதையில் பல திருப்பங்கள் வருகிறது.

இந்த படம் முழுக்க பவன் கல்யாணின் ஸ்டார் பவர் மீது தான் நிற்கிறது. அவரின் மாஸ் எண்ட்ரி, பஞ்ச் வசனங்கள், ஆக்‌ஷன் சீன்கள் ரசிகர்களை கவரும் வகையில் அமைந்துள்ளது. இரண்டாம் பாதியில் வரும் ஸ்ரீலீலாவின் காட்சிகள் படத்திற்கு சுறுசுறுப்பை கூட்டுகின்றன.

ஆனால், கதையின் ஓட்டம் இடையிடையே பாதிக்கப்படுகிறது. குறிப்பாக அரசியல் மற்றும் கருத்தியல் கூறுகள் சேர்க்கப்பட்ட விதம் சற்று குழப்பத்தை ஏற்படுத்துகிறது. ஒரே லைனில் சென்றிருந்தால் படம் இன்னும் சிறப்பாக இருந்திருக்கும் என்ற உணர்வு ஏற்படுகிறது.

ஒளிப்பதிவு நல்ல தரத்தில் இருந்தாலும், இசை பெரிய அளவில் நினைவில் நிற்கவில்லை. மொத்தத்தில், “Ustaad Bhagat Singh” ஒரு மாஸ் ரசிகர்களுக்கான கமர்ஷியல் படம் என்றாலும், எதிர்பார்த்த அளவுக்கு தாக்கத்தை உருவாக்கவில்லை.