மகளிர் உலகக் கோப்பை: இந்தியாவுக்கு எதிராக ஆஸ்திரேலியா முதலில் பேட்டிங் தேர்வு

மும்பை,
இந்தியாவில் நடைபெற்று வரும் 13வது மகளிர் உலகக் கோப்பை கிரிக்கெட் தொடர் தற்போது அதன் கிளைமாக்ஸ் கட்டத்தை எட்டி உள்ளது. ரசிகர்களின் ஆவலை தூண்டும் இந்த தொடரின் இரண்டாவது அரையிறுதி இன்று (வியாழக்கிழமை) மும்பை புறநகர்ப் பகுதியில் அமைந்துள்ள டி.ஒய். பட்டீல் ஸ்டேடியத்தில் அரங்கேறுகிறது. இந்த முக்கியமான போட்டியில் உலகக் கிரிக்கெட்டின் இரு சக்திவாய்ந்த அணிகளான இந்தியா மற்றும் ஆஸ்திரேலியா மோதுகின்றன.

போட்டியை முன்னிட்டு நடைபெற்ற டாஸில் ஆஸ்திரேலிய அணியின் கேப்டன் அலிசா ஹீலி அதிரடியாக பேட்டிங் தேர்வு செய்தார். இதனால் இந்திய அணி முதலில் பந்துவீச்சை மேற்கொள்கிறது. இரு அணிகளும் இறுதி சுற்றில் இடம்பிடிக்க உறுதியுடன் களம் காணவுள்ள நிலையில், ரசிகர்கள் எதிர்பார்ப்பில் உற்சாகம் அடைந்துள்ளனர்.

இந்தியா, இதுவரை இந்த தொடரில் அசத்தலான ஆட்டத்துடன் முன்னேறி வந்துள்ளது. அதே நேரத்தில், ஆஸ்திரேலிய அணி அதன் வலுவான பேட்டிங் வரிசையும், துல்லியமான பந்துவீச்சாலும் வெற்றி தொடரை வைத்திருக்கிறது. இன்று நடைபெறும் இந்த மோதல், உலகக் கோப்பையின் மிகத் த்ரில்லான ஆட்டங்களில் ஒன்றாக அமையும் என நிபுணர்கள் கூறுகின்றனர்.