சினிமாவை போல் அரசியலிலும் விஜய் வெற்றி காண்பார் – நடிகர் ஆனந்த்ராஜ் பேட்டி..!!

திரையுலகில் வெற்றிநடை போட்டு வரும் நடிகர் விஜய் அரசியலிலும் வெற்றி காண்பார் என பிரபல குணசித்ர நடிகர் ஆனந்த்ராஜ் தெரிவித்துள்ளார்.

தஞ்சை பெரிய கோயிலில் சாமி தரிசனம் செய்த்த பின் செய்தியாளர்களை சந்தித்த நடிகர் ஆனந்த்ராஜ் கூறியதாவது :

சினிமா தற்போது நன்றாக உள்ளது. அதனால் தான் அரசியலில் இல்லாமல் சினிமாவை பார்த்து வருகிறேன் . சீமானை நடிகராக தான் தெரியும், அரசியல்வாதியாக மாறி இருக்கிறார். தற்போது அவருடன் சேர்ந்து விக்னேஷ் சிவன் இயக்கும் LIK என்ற படத்தில் நடித்து வருகிறேன். அவருடன் சில விஷயங்களை நேரில் பேசி பின்னர் தெரிவிக்கிறேன்.

நடிகர் விஜய்யின் முன்னெடுப்புக்கு வாழ்த்துக்கள். அவர் நடிக்க வந்ததிலிருந்து வெற்றி தான், நிச்சயமாக அரசியல் அவருக்கு கை கொடுக்கும் என்று நம்புகிறேன். தஞ்சை பெரிய கோயிலை பார்க்க தமிழ் மக்களை விட , அயல் நாட்டினர் அதிகமாக வருகின்றனர்.இது மிகப்பெரிய பெருமை என நடிகர் ஆனந்த்ராஜ் தெரிவித்துள்ளார்.