சீனாவில் கெத்து காட்ட வரும் விஜய் சேதுபதியின் மகாராஜா – சிறப்பு போஸ்டருடன் வெளியான டக்கர் அறிவிப்பு..!!

திரையரங்குகள் மற்றும் OTTயில் தரமான சாதனை படைத்த விஜய் சேதுபதியின் மகாராஜா திரைப்படம் விரைவில் சீனாவில் வெளியாக உள்ளதாக அதிகாரப்பூர்வ அறிவிப்பு வெளியாகி உள்ளது.

மக்கள் செல்வன் விஜய் சேதுபதியின் 50 வது படமான மஹாராஜா திரைப்படம் வசூல் ரீதியாகவும் விமர்சன ரீதியாகவும் அமோக வரவேற்பை பெற்று மாபெரும் வெற்றிப்படமாக உருவெடுத்துள்ள நிலையில் இப்படம் OTT தளத்திலும் வெளியாகி அங்கேயும் மாபெரும் வரவேற்பை பெற்றது.

குரங்குபொம்மை என்ற அற்புதமான படத்தை இயக்கிய நித்திலன் சாமிநாதன் இயக்கத்தில் உருவாக்கப்பட்ட இப்படத்தில் விஜய் சேதுபதியுடன் இணைந்து அனுராக் , மமதா , நடராஜ், பாரதிராஜா, சிங்கம்புலி ,நட்டி , மணிகண்டன் உள்ளிட்ட பலர் நடித்துள்ளனர்.

எதார்த்தமான கதைக்களத்தை ஏராளமான ட்விஸ்டுகளுடன் நமக்கு காண்பித்த இப்படத்தை தற்போது சீனாவிலும் திரையிட உள்ளதாக படக்குழு சிறப்பு போஸ்டர் மூலம் அறிவித்துள்ளது.

அதன்படி நித்திலன் சாமிநாதன் இயக்கத்தில் விஜய் சேதுபதி நடிப்பில் உருவான ‘மகாராஜா’ திரைப்படம், சீனாவில் நவ.29-ம் தேதி வெளியாக உள்ளதாகவும் அலிபாபா குழுமம் இந்த படத்தை வெளியிடவுள்ளதாகவும் தயாரிப்பு நிறுவனம் அறிவித்துள்ளது.