விஜய்–டிரிஷா விவகாரம் சூடு பிடிக்கிறது – டிரிஷாவின் பழைய பேட்டி மீண்டும் வைரல்

நடிகர் விஜய் மற்றும் நடிகை டிரிஷா கிருஷ்ணன் குறித்து கடந்த சில நாட்களாக சமூக வலைதளங்களில் பரபரப்பு தொடர்ந்து அதிகரித்து வருகிறது. சமீபத்தில் சென்னை நகரில் நடைபெற்ற ஒரு பிரபல திருமண வரவேற்பு நிகழ்ச்சியில் விஜய்யும் டிரிஷாவும் ஒன்றாக கலந்து கொண்டது ரசிகர்கள் மற்றும் இணைய பயனர்களிடையே பெரும் கவனத்தை ஈர்த்தது. அந்த நிகழ்ச்சியில் இருவரும் ஒரே காரில் வந்ததாகவும், ஒன்றாக மேடையில் தோன்றியதாகவும் வெளியான தகவல்கள் சமூக வலைதளங்களில் வைரலாகி பல்வேறு கருத்துக்களை கிளப்பியுள்ளது.

இந்த சம்பவத்திற்குப் பின்னணியாக, நடிகை டிரிஷா கடந்த காலத்தில் தனது முறிந்த நிச்சயதார்த்தம் மற்றும் திருமணம் குறித்து கூறிய கருத்துகள் தற்போது மீண்டும் இணையத்தில் வைரலாகி வருகின்றன. குறிப்பாக 2015 ஆம் ஆண்டு தொழிலதிபர் வருண் மணியனுடன் நடந்த நிச்சயதார்த்தம் முறிந்த பிறகு அளித்த பேட்டிகளில், தனிப்பட்ட உறவுகள் குறித்து அதிகம் பேச விரும்பவில்லை என்றும், மகிழ்ச்சியில்லாத திருமணத்தில் இருப்பதை விட உண்மையான காதலை எதிர்பார்த்து காத்திருக்க விரும்புகிறேன் என்றும் அவர் தெரிவித்திருந்தார். மேலும், வாழ்க்கையில் சரியான துணையை சந்திப்பதே முக்கியம், திருமணம் என்பது அதன் பின்னர் வரும் விஷயம் என்றே தனது கருத்தை வெளிப்படுத்தியிருந்தார்.

இந்த பழைய பேட்டி தற்போது மீண்டும் சமூக வலைதளங்களில் பரவலாக பகிரப்பட்டு, ரசிகர்கள் மற்றும் நெட்டிசன்கள் மத்தியில் புதிய விவாதங்களை ஏற்படுத்தியுள்ளது. சிலர் டிரிஷாவின் கருத்துகளை ஆதரித்து கருத்து தெரிவிக்க, மற்றவர்கள் இதனை விமர்சித்து கருத்துக்கள் பகிர்ந்து வருகின்றனர். இதனால் விஜய்–டிரிஷா குறித்து சமூக வலைதளங்களில் தொடர்ந்தும் பரபரப்பான விவாதங்கள் நடைபெற்று வருகின்றன.