RJ பாலாஜியின் ‘சொர்க்கவாசல்’ படத்தின் ரிலீஸ் தேதியை வெளியிட்டது படக்குழு..!!

ஆர்.ஜே.பாலாஜியின் காரசார நடிப்பில் உருவாகி உள்ள சொர்க்கவாசல் படத்தின் ரிலீஸ் தேதியை படக்குழு வெளியிட்டுள்ளது.

ரேடியோ ஜாக்கியாக இருந்து இன்று திரைத்துறையில் நடிகராகவும் இயக்குநராகவும் கலக்கி வருபவர் தான் ஆர்.ஜே.பாலாஜி .

இதுவரை இவரது இயக்கத்திலும் நடிப்பிலும் வெளியான அனைத்து படங்களும் சூப்பர் ஹிட் நடித்துள்ள நிலையில் தற்போது பல படங்களில் நடிக்கவும் பல படங்களை இயக்கவும் ஒப்பந்தமாகி வருகிறார் .

அந்தவகையில் இவரது நடிப்பில் உருவாகி தற்போது ரிலீஸுக்கு தயாராக உள்ள திரைப்படமே சொர்க்கவாசல்.

அறிமுக இயக்குநர் சித்தார்த் விஸ்வநாத் இயக்கத்தில் உருவாகி வரும் இப்படத்தில் ஆர்.ஜே பாலாஜி கதையின் நாயகனாக நடிக்க இவருடன் சேர்ந்து பல இளம் நட்சத்திரங்கள் நடித்து வருகின்றனர்.

இந்நிலையில் இப்படத்தின் டீசர் கடந்த சில நாட்களுக்கு முன் வெளியாகி நல்ல வரவேற்பை பெற்ற நிலையில் தற்போது சொர்க்கவாசல் படத்தின் ரிலீஸ் தேதியை படக்குழு அறிவித்துள்ளது.

அதன்படி RJ பாலாஜி நடிக்கும் ‘சொர்க்கவாசல்’ திரைப்படம் நவ. 29ம் தேதி வெளியாகும் என படக்குழு அறிவித்துள்ளது.