அமரனால் வந்த சோதனை – 1 கோடி இழப்பீடு கேட்டு மாணவர் மனு..!!

திரையங்குகளில் திருவிழாபோல் கொண்டாடப்பட்டு வரும் அமரன் திரைப்படத்தில் தனது மொபைல் நம்பர் ஒளிபரப்பப்பட்டதாக கூறி இளைஞர் ஒருவர் ஒரு கோடி ரூபாய் இழப்பீடு கேட்டு மனு அளித்துள்ளார்.

ராஜ்கமல் பிலிம்ஸ் தயாரிப்பில் ராஜ்குமார் இயக்கத்தில் பல வருடங்களாக பார்த்து பார்த்து செதுக்கப்பட்ட திரைப்படமே அமரன்.

தமிழ்நாட்டை சேர்ந்த மேஜர் முகுந்த் வரதராஜனின் வாழ்க்கையை மையமாக வைத்து எடுக்கப்பட்ட இப்படத்தில் மேஜர் முகுந்த் வரதராஜனாக சிவகார்த்திகேயன் நடித்து அசத்தியுள்ளார்.

சிவகார்திகேயன் , சாய்பல்லவி , ஸ்ரீ , லல்லு , உள்ளிட்ட பல முன்னணி நட்சத்திரங்களில் நடிப்பில் உருவான இப்படத்திற்கு ஜி.வி.பிரகாஷ் இசையமைத்துள்ளார்.

மாபெரும் எதிர்பார்ப்புக்கிடையே இப்படம் தீபாவளி பண்டிகையை முன்னிட்டு திரையரங்குகளில் வெளியான நிலையில் தற்போது இப்படம் மாபெரும் வெற்றியை பதிவு செய்து வருகிறது.

இந்நிலையில் திருவிழாபோல் கொண்டாடப்பட்டு வரும் அமரன் திரைப்படத்தில் தனது மொபைல் நம்பர் ஒளிபரப்பப்பட்டதாக கூறி இளைஞர் ஒருவர் ஒரு கோடி ரூபாய் இழப்பீடு கேட்டு மனு அளித்துள்ளார்.

அமரன் படத்தில் சாய் பல்லவி தோன்றும் காட்சியில் ஒரு மொபைல் எண் காட்சிப் படுத்தப்பட்டதால், பட நிறுவனத்திடம் 1.1 கோடி இழப்பீடு கேட்டு நோட்டீஸ் அனுப்பியுள்ளார் . நிஜத்தில் அந்த ‘எண்’-ஐ கொண்ட பொறியியல் மாணவர் வாகீசன்.

படம் வெளியான நாளில் இருந்து தொடர்ந்து வரும் அழைப்புகளால் என்னால் தூங்கவோ, படிக்கவோ, மற்ற வேலைகளை செய்யவோ முடிவதே இல்லை என மாணவர் மன வேதனையுடன் தெரிவித்துள்ளார்.