ராஜமௌலியின் ‘RRR’ அனிமேஷன் வடிவில் – புதிய பரிமாணத்தில் உலகம் காணத் தயாராகிறது

RRR திரைப்படம் அனிமேஷன் வடிவில் உருவாக்கப்பட உள்ளதாக புதிய தகவல் வெளியாகியுள்ளது. உலக அளவில் பெரும் வரவேற்பைப் பெற்ற இந்த படத்தை இயக்கிய எஸ்.எஸ். ராஜமௌலி, ‘RRR’ படத்தை முழு அனிமேஷன் திரைப்படமாக மாற்றுவதற்கான திட்டத்தில் ஈடுபட்டு வருகிறார். இதற்காக ஜப்பானை சேர்ந்த முன்னணி அனிமேஷன் ஸ்டுடியோக்களுடன் பேச்சுவார்த்தை நடைபெற்று வருவதாக கூறப்படுகிறது.

‘RRR’ படத்தின் கதாபாத்திரங்களும் அதன் பிரம்மாண்டமான உலகமும் அனிமேஷன் வடிவில் புதிய பார்வையாளர்களை சென்றடையும் வகையில் இந்த முயற்சி மேற்கொள்ளப்படுவதாக தகவல்கள் தெரிவிக்கின்றன. தற்போதைய பணிகளில் இருந்து விடுபட்ட பிறகு, இந்த அனிமேஷன் திட்டத்துக்கான பணிகள் தொடங்கும் என எதிர்பார்க்கப்படுகிறது. இந்திய சினிமாவின் உலகளாவிய செல்வாக்கை மேலும் விரிவுபடுத்தும் முயற்சியாக இந்த அனிமேஷன் ‘RRR’ திட்டம் பார்க்கப்படுகிறது.