ராகவா லாரன்ஸ் நடிக்கும் ‘புல்லட்’ படத்தின் க்ளிம்ப்ஸ் வீடியோவை வெளியிட்டது படக்குழு..!!

ராகவா லாரன்ஸ் பிறந்தநாளை முன்னிட்டு அவரது நடிப்பில் உருவாகி வரும் ‘புல்லட்’ படத்தின் க்ளிம்ப்ஸ் வீடியோவை படக்குழு வெளியிட்டுள்ளது.

தமிழ் சினிமாவில் நடன கலைஞராக கால் பதித்து இன்று நடிகராகவும் , இயக்குநராகவும் திரையுலகை கலக்கி வருபவர் தான் ராகவா லாரன்ஸ் . தனது நடன வித்தையால் பல ஹீரோக்களை நடனமாட வைத்த இவர் இன்று சிறந்த நடிகராக வெற்றிநடை போட்டு வருகிறார்.

இவரது நடிப்பில் கடைசியாக வெளியான சந்திரமுகி 2 படம் பெரிதளவில் வெற்றியடையாமல் இருந்த நிலையில் இவரது அடுத்தபடம் என்னவாக இருக்கும் என்ற எதிர்பார்ப்பு அனைவரது மனதில் இருந்த நிலையில் தற்போது இவரது நடிப்பில் உருவாகி வரும் அடுத்தபடம் குறித்த அறிவிப்பு வெளியானது.

அதன்படி ‘டைரி’ பட இயக்குநர் இன்னாசி பாண்டியன் இயக்கத்தில் உருவாகும் ‘புல்லட்’ எனும் படத்தில் தான் ராகவா லாரன்ஸ் நடிக்கிறார் இதுமட்டுமின்றி இந்த படத்தில் லாரன்ஸுடன் சேர்ந்து அவரது சகோதரர் எல்வினும் நடித்து வருகிறார்.

இந்நிலையில் தற்போது ராகவா லாரன்ஸ் பிறந்தநாளை முன்னிட்டு அவரது நடிப்பில் உருவாகி வரும் ‘புல்லட்’ படத்தின் க்ளிம்ப்ஸ் வீடியோவை படக்குழு வெளியிட்டுள்ளது.