🔥 மெகா 158 அப்டேட்: சிரஞ்சீவியின் மகள் கதாபாத்திரத்தில் சாரா அர்ஜுனா? 🎬✨

தெலுங்கு சினிமாவின் மெகா ஸ்டார் சிரஞ்சீவி நடிப்பில் உருவாகும், ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள மெகா 158 திரைப்படம் தொடர்பாக புதிய தகவல் ஒன்று தற்போது சினிமா வட்டாரங்களில் பரபரப்பை ஏற்படுத்தியுள்ளது. இந்த படத்தில் சிரஞ்சீவியின் மகள் கதாபாத்திரத்தில் நடிகை சாரா அர்ஜுன் நடிக்க இருப்பதாக தகவல்கள் வெளியாகியுள்ளன. முன்னதாக குழந்தை நட்சத்திரமாக பல மொழித் திரைப்படங்களில் கவனம் பெற்ற சாரா அர்ஜுன், பின்னர் கதைக்குத் தேவையான முக்கியமான கதாபாத்திரங்களில் நடித்து தனது நடிப்புத் திறனை நிரூபித்தவர்.

அதனால், ‘மெகா 158’ போன்ற பெரிய படத்தில் முக்கியமான மகள் கதாபாத்திரத்திற்காக அவர் தேர்வு செய்யப்பட்டுள்ளதாக கூறப்படுவது, படத்தின் மீதான எதிர்பார்ப்பை மேலும் அதிகரித்துள்ளது. இதுவரை படக்குழு தரப்பில் இருந்து எந்த அதிகாரப்பூர்வ அறிவிப்பும் வெளியாகாத நிலையில், இந்த தகவல் சமூக வலைதளங்களில் வேகமாக பரவி வருகிறது. இந்த நடிகர் தேர்வு உறுதி செய்யப்படும் பட்சத்தில், சிரஞ்சீவி – சாரா அர்ஜுன் இணைப்பு திரையில் எவ்வாறு வெளிப்படும் என்பதைக் காண ரசிகர்கள் மிகுந்த ஆவலுடன் காத்திருக்கின்றனர்.