நாளை ரிலீஸ் ஆகப்போகும் மாரி செல்வராஜின் பைசன், இன்று கேட்ட மன்னிப்பின் ரகசியம்

Mari Selvaraj: மாரி செல்வராஜ் படம் என்றாலே கிராமத்தில் இருக்கும் மக்களின் வாழ்வாதாரத்தையும் அவர்கள் கஷ்டப்பட்டு வளர்ந்து வர நினைக்கும் போராட்டத்தையும் எடுத்துக்காட்டும் விதமாகத்தான் இருக்கும். அந்த வகையில் இவருடைய கருத்துக்களும் வித்தியாசமாக இருக்கும் பட்சத்தில் இவர் எடுக்கக்கூடிய படங்கள் மக்களை ஈசியாக ரீச் ஆகி விடுகிறது.

கடைசியாக மாமன்னன் மற்றும் வாழைப் படமும் மாபெரும் வெற்றியை அடைந்ததை ஒட்டி தற்போது பைசன் என்ற படத்தையும் இயக்கி இருக்கிறார். இப்படம் தீபாவளியை முன்னிட்டு நாளை அனைத்து தியேட்டர்களிலும் ரிலீசாக போகிறது. இதில் துருவ் விக்ரம், பசுபதி, அமீர், அனுபவ பரமேஸ்வரன் மற்றும் பலர் நடித்திருக்கிறார்கள்.

இப்படத்தின் கதையானது அர்ஜுனா விருது பெற்ற கபடி விளையாட்டு வீரர் கணேஷ் வாழ்க்கை வரலாற்றை மையமாக வைத்து எடுக்கப்பட்டிருக்கிறது. அத்துடன் வழக்கம்போல் மாரி செல்வராஜ் அவருடைய பாணியை திணிக்கும் விதமாக அரசியல் பார்வையை வைத்தும் கதையை கொண்டு வந்திருப்பதாக அவர் கூறியிருக்கிறார்.

இப்படி இருக்கும் பட்சத்தில் ஏன் படத்திற்கு ஆங்கிலத்தில் டைட்டில் வைத்திருக்கிறீர்கள் என்று கேட்ட கேள்விக்கு அவர் கொடுத்த விளக்கம் என்னவென்றால் இந்த படத்தை தமிழகம் மக்கள் மட்டும் இல்லாமல் வெளிநாட்டு மக்களும் பார்க்க வேண்டும் என்று தயாரிப்பாளர்கள் கேட்டதால் பைசன் என்ற டைட்டிலை வைத்தேன்.

ஆனால் நான் இதற்கு வைத்த டைட்டில் காளமாடான். இருந்தாலும் தமிழ்நாட்டை சேர்ந்த கபடி விளையாட்டு வீரரின் வாழ்க்கை வைத்து ஒரு படத்தை எடுத்து இருக்கிறேன். இப்படி இருக்கும் பொழுது ஆங்கிலத்தில் தலைப்பு வைத்தது தவறுதான் என்று மன்னிப்பு கேட்டிருக்கிறார்.