கங்குவா படம் வெற்றியா தோல்வியா – உண்மையை உடைத்த பிரபலம்..!!

சூர்யாவின் நடிப்பில் உருவான கங்குவா திரைப்படம் 2 வருடங்களுக்கு பின் திரையரங்குகளில் வெளியாகி கலவையான விமர்சனங்களை சந்தித்த நிலையில் இப்படம் குறித்த உண்மை நிலவரத்தை பிரபல நட்சத்திரம் உடைத்து பேசியுள்ளார்.

சூர்யா மற்றும் சிறுத்தை சிவா காம்போவில் பல நாட்கள் பாத்து பாத்து உருவாக்கப்பட்ட திரைப்படமே கங்குவா . UV கிரியேஷன்ஸ் மற்றும் ஸ்டூடியோ கிரீன் நிறுவனங்கள் பிரம்மாண்ட பொருட் செலவில் தயாரித்த இப்படத்தில் சூர்யாவுடன் சேர்ந்து திஷா பதானி, பாபி தியோல், யோகி பாபு, ரெடின் கிங்ஸ்லி என ஏராளமான திரை நட்சத்திரங்கள் நடித்துள்ளனர் .

இப்படம் கடந்த 14 ஆம் தேதி உலகெங்கும் உள்ள திரையரங்குகளில் கோலாகலமாக வெளியான நிலையில் வெளியான நாள் முதல் பல கலவையான விமர்சனங்களை சந்தித்து வருகிறது.

இந்நிலையில் மாபெரும் எதிர்பார்ப்புக்கிடையே வெளியான இப்படம் உண்மையில் வெற்றியா தோல்வியா என்பது குறித்து இயக்குனரும், தயாரிப்பாளரும், நடிகருமான சித்ரா லக்ஷ்மணன் ஓபனாக பேசியுள்ளார்.

கங்குவா படத்தின் மொத்த பட்ஜெட் ஒரு பெரியது . ஆனால் படம் வெளிவருவதற்கு முன்பே ஓடிடி, சாட்டிலைட் விற்பனை செய்யப்பட்டு விட்டது. இதன்மூலம் கணிசமான தொகை தயாரிப்பாளருக்கு கிடைத்துவிட்டது.

திரையரங்கம் மூலம் பெரிய தொகை வசூலாக வரும் என எதிர்பார்க்கப்பட்டது. ஆனால், அது நடக்கவில்லை. கங்குவா தோல்வி படமாக தான் அமைந்தது. அப்படி இருந்தும் கூட கங்குவா படத்திற்கு பெரிய நஷ்டம் எதுவும் ஏற்படவில்லை என கூறியுள்ளார்.