Connect with us

ஜூனியர் உலகக்கோப்பை ஹாக்கியில் இந்திய அணி வெற்றியுடன் துவங்கியது.

Sports

ஜூனியர் உலகக்கோப்பை ஹாக்கியில் இந்திய அணி வெற்றியுடன் துவங்கியது.

சென்னை,
14வது ஜூனியர் உலகக் கோப்பை ஆக்கி தொடர் (21 வயதுக்குட்பட்டோர்) சென்னை எழும்பூரிலுள்ள மேயர் ராதாகிருஷ்ணன் ஸ்டேடியமும், மதுரையில் புதியதாக அமைக்கப்பட்ட சர்வதேச ஆக்கி ஸ்டேடியமும் வേദிகளாக கொண்டு நேற்று தொடங்கியது. டிசம்பர் 10 வரை நடைபெறும் இந்த தொடரில் மொத்தம் 24 அணிகள் 6 பிரிவுகளாகப் பிரிக்கப்பட்டுள்ளன.

மதுரையில் நடைபெற்ற தொடக்க ஆட்டத்தில், 7 முறை சாம்பியனான ஜெர்மனி, தென் ஆப்பிரிக்காவை 4-0 என்ற கோல் கணக்கில் வீழ்த்தி தன் ஆதிக்கத்தை காட்டியது. ஜஸ்டஸ் வார்விக் (19, 56), பென் ஹாஸேபச் (43), பால் கிளான்டெர் (44) ஆகியோர் ஜெர்மனிக்காக கோல் அடைத்தனர்.

மற்றொரு ஆட்டத்தில் அயர்லாந்து 4-3 என்ற கோல் கணக்கில் கனடாவை கடினமாக போராடி வென்றது. ஸ்பெயின் எகிப்தை 8-0 எனவும், பெல்ஜியம் நமீபியாவை 12-1 எனவும் மிகப்பெரிய கோல் வித்தியாசத்தில் வீழ்த்தின. பெல்ஜியத்துக்காக மதியாஸ் லாவெர்ஸ் 4 கோலும், ஹூகோ லபுசேர் 3 கோலும் அடித்தனர்.

சென்னையில் நடந்த ஆட்டங்களில், முன்னாள் சாம்பியனான அர்ஜென்டினா ஜப்பானை 4-1 எனவும், நியூசிலாந்து சீனாவை 5-3 எனவும், சுவிட்சர்லாந்து ஓமனை 4-0 எனவும் வென்றன.

இரவு போட்டியில், உலக தரவரிசையில் 2வது இடத்தில் உள்ள இந்திய அணி, 18வது இடம் வகிக்கும் சிலியை எதிர்கொண்டது. பெரும் ரசிகர் ஆதரவுடன் உற்சாகமாக ஆடிய இந்திய வீரர்கள் தொடக்கம் முதல் தாக்குதலைத் தொடர்ந்தனர். ஆரம்பத்தில் சிலியின் பாதுகாப்பைக் கலைக்க முடியாமல் இருந்தாலும், 16வது நிமிடத்தில் ரோசன் குஜூல் முதல் கோலை பதிவு செய்தார். 21வது நிமிடத்தில் மேலும் ஒரு கோல் அடித்தார்.

தொடர்ந்து தில்ராஜ் சிங் (24, 34), அஜீத் யாதவ் (35), அன்மோல் எக்கா (48) ஆகியோர் கோல் அடித்து இந்தியாவின் முன்னிலை மேலும் வலுப்படுத்தினர்.

கடைசி நிமிடத்தில் கிடைத்த பெனால்டி ஸ்டிரோக் வாய்ப்பை கேப்டன் ரோகித் சரியாக பயன்படுத்தி கோல் அடித்தார்.

இறுதியில், இந்தியா 7-0 என்ற கோல் கணக்கில் சிலியை வீழ்த்தி ஜூனியர் உலகக் கோப்பையை துவக்கத்தில் பிரகாசமாக தொடங்கியது.

மேலும் சில பல சுவாரசியமான சினிமா,டிவி நிகழ்ச்சிகள் உள்ளிட்ட பல செய்திகளை தெரிந்து கொள்ள cinemamedai.com சேனலுக்கு Subscribe பண்ணுங்க….

See also  சஞ்சு சாம்சன் போனதும் RR விற்பனைக்கு — அதிர்ச்சி காரணம்

More in Sports

To Top