🏠 துபாயில் செட்டிலாகிறாரா சிவகார்த்திகேயன்? வைரலாகும் தகவல்

சினிமா பின்னணி இல்லாமல் சின்னத்திரையிலிருந்து வெள்ளித்திரைக்கு வந்து, இன்று தமிழ் சினிமாவின் முன்னணி நாயகர்களில் ஒருவராக உயர்ந்தவர் சிவகார்த்திகேயன். தனது உழைப்பும் திறமையும் மட்டுமே ஆயுதமாக கொண்டு இந்த உயரத்தை எட்டிய அவர், தற்போது சுதா கொங்கரா இயக்கத்தில் உருவாகியுள்ள ‘பராசக்தி’ படத்தின் மூலம் மீண்டும் பெரிய எதிர்பார்ப்பை உருவாக்கியுள்ளார். இப்படம் பொங்கல் ஸ்பெஷலாக வெளியாக உள்ளதால் ரசிகர்களிடையே கூடுதல் உற்சாகம் காணப்படுகிறது.

இந்த நிலையில், அவரது சினிமா அப்டேட்ஸ்களுக்கிடையே தனிப்பட்ட வாழ்க்கை குறித்த தகவல்களும் சமூக வலைதளங்களில் பேசுபொருளாக மாறியுள்ளன. அதாவது, சிவகார்த்திகேயன் துபாயில் ஒரு வீடு வாங்கி குடும்பத்துடன் அங்கு செட்டிலாக இருப்பதாக சில தகவல்கள் பரவி வருகின்றன. இதுகுறித்து இதுவரை எந்த அதிகாரப்பூர்வ அறிவிப்பும் வெளியாகவில்லை என்றாலும், இந்த செய்தி ரசிகர்கள் மத்தியில் பல்வேறு கேள்விகளையும் விவாதங்களையும் உருவாக்கியுள்ளது. அவர் எங்கு இருந்தாலும், அவரது அடுத்த படங்கள் மற்றும் சினிமா பயணம் குறித்த எதிர்பார்ப்பு குறையவில்லை என்பதே ரசிகர்களின் ஒருமித்த கருத்தாக உள்ளது.