4-வது டி20 போட்டியில் ஆஸ்திரேலியாவை வீழ்த்தி, தொடரில் முன்னிலை பிடித்த இந்தியா

கோல்டுகோஸ்ட்,
இந்தியா – ஆஸ்திரேலியா இடையிலான 5 போட்டிகள் கொண்ட டி20 தொடரின் 4-வது ஆட்டம் இன்று கோல்டுகோஸ்டில் உள்ள கரரா ஓவல் மைதானத்தில் நடைபெற்றது. டாஸ் வென்ற ஆஸ்திரேலியா முதலில் பந்துவீச்சைத் தேர்வு செய்தது.

முதலில் பேட்டிங் செய்த இந்தியா, தொடக்க வீரர்கள் சுப்மன் கில் மற்றும் அபிஷேக் சர்மா இணைந்து சுமாரான தொடக்கம் அளித்தனர். முதல் விக்கெட்டுக்கு 56 ரன்கள் சேர்த்த நிலையில் அபிஷேக் 28 ரன்களிலும், பின்னர் சுப்மன் கில் 46 ரன்களிலும் ஆட்டமிழந்தனர். கேப்டன் சூர்யகுமார் யாதவ் 20 ரன்களில் அவுட்டானார். நடுப்பகுதியில் இந்திய அணியின் விக்கெட்டுகள் விரைவாக வீழ்ந்ததால் ரன்கள் சேர்த்தல் மந்தமானது. திலக் வர்மா (5), ஜிதேஷ் சர்மா (3), வாஷிங்டன் சுந்தர் (12) ஆகியோர் சிறிய ரன்களையே சேர்த்தனர்.

இறுதி கட்டத்தில் அக்சர் படேல் சிறிய அதிரடியில் ஆடியதால், இந்திய அணி 20 ஓவர்களில் 8 விக்கெட்டுகளை இழந்து 167 ரன்கள் சேர்த்தது. அக்சர் 21 ரன்களுடன் ஆட்டமிழக்காமல் இருந்தார். ஆஸ்திரேலிய அணிக்கு ஆடம் ஜம்பா, நாதன் எல்லீஸ் தலா 3 விக்கெட்டுகள் வீழ்த்தினர்.

பின்னர் வெற்றிக்காக 168 ரன்கள் இலக்குடன் ஆஸ்திரேலியா களமிறங்கியது. தொடக்க வீரர்கள் மிட்செல் மார்ஷ் (30) மற்றும் ஷார்ட் (25) சிறப்பாக தொடங்கினாலும் நடுப்பகுதியில் விக்கெட்டுகள் தொடர்ந்து விழுந்தன. டிம் டேவிட் (14), மேக்ஸ்வெல் (2), ஸ்டோய்னிஸ் (17) உள்ளிட்டோர் தகுந்த ஆட்டத்தை வெளிப்படுத்த முடியவில்லை.

இந்திய பந்துவீச்சாளர்கள் தாக்குதலை தீவிரப்படுத்தி ஆஸ்திரேலிய அணியை 18.2 ஓவர்களில் 119 ரன்களுக்கு ஆல் அவுட் செய்தனர். இதன் மூலம் இந்தியா 48 ரன்கள் வித்தியாசத்தில் வெற்றி பெற்று தொடரில் 2–1 என்ற கணக்கில் முன்னிலை பெற்றது. அக்சர் படேல் மற்றும் வாஷிங்டன் சுந்தர் தலா 2 விக்கெட்டுகள் எடுத்தனர்.