அடுத்த ஜென்மத்திலும் ரோபோ சங்கராகவே பிறக்க வேண்டும் – உருக்கமான பிரியங்கா!

Robo shankar’s Wife: சினிமா பின்புலம் எதுவும் இல்லாமல், தன்னம்பிக்கையையும், தனித்திறமையையும் ஆயுதமாகக் கொண்டு, சிறிய திரையில் இருந்து பெரிய திரை வரை பிரபலமான நகைச்சுவை நடிகர் ரோபோ சங்கர். விஜய் டிவியில் ஒளிபரப்பான பல நிகழ்ச்சிகளில் அவர் கலந்து கொண்டு மக்களின் இதயத்தில் சிரிப்பையும் சந்தோஷத்தையும் விதைத்தார்.

கலக்கப்போவது யாரு, அது இது எது போன்ற நிகழ்ச்சிகளில் அவரது நகைச்சுவை டைமிங், எளிமை, உயிருள்ள நடிப்பு, இவையெல்லாம் அவரை தனித்தனியாக முத்திரை பதிக்க வைத்தன. அந்த சிறு திரையின் வெற்றி, பின்னர் வெள்ளித்திரைக்கு வழி வகுத்தது.\

அஜித், விஜய், தனுஷ் போன்ற முன்னணி நடிகர்களுடன் இணைந்து நடித்தும், சின்ன வேடம் என்றாலும் மனதில் நிற்கும் தாக்கத்தை ஏற்படுத்தியும் ரோபோ சங்கர் ஒரு தனி அடையாளம் அமைத்தார். மக்களை சிரிக்க வைப்பதில் வல்லவராக இருந்த அவர், வாழ்க்கையின் கடைசி கட்டத்தில் உடல் நலக்குறைவால் திடீரென மறைந்தது ரசிகர்களுக்கும், குடும்பத்தினருக்கும் பெரும் அதிர்ச்சியை ஏற்படுத்தியது.

அவரின் மறைவுக்குப் பிறகு அவரது மனைவி பிரியங்கா, மிகுந்த துயரத்தில் மூழ்கியிருந்தார். இப்போது, சமீபத்தில் நடந்த ஒரு நிகழ்ச்சியில் அவர் ரோபோ சங்கரை நினைவுகூர்ந்தபோது உருக்கமான வார்த்தைகள் பேசினார். அவரின் குரலில் நடுக்கத்துடன், கண்ணீர் கலந்த உணர்ச்சியில் பிரியங்கா கூறினார்:

அடுத்த ஜென்மம் என்று ஒன்றிருந்தால், நான் ரோபோ சங்கராகவும், அவர் பிரியங்காவாகவும் பிறக்க வேண்டும். அவரை நான் மிகவும் காதலித்தேன். ஆனாலும் இன்று தோன்றுகிறது — இன்னும் கொஞ்சம் காதலித்திருந்தால், அவரை இன்னும் பத்திரமாக பார்த்திருக்கலாமோ என்று.

இந்த ஒரு வாக்கியமே அனைவரையும் கண்கலங்க வைத்தது. அவரது உண்மையான பாசமும், வாழ்நாள் துணையை இழந்த வேதனையும் தெளிவாக வெளிப்பட்டது. சமூக வலைதளங்களில் இந்த வீடியோ தற்போது வேகமாக வைரலாகி வருகிறது.

இவ்வளவு எளிமையான, மக்களை சிரிக்க வைத்த மனிதர் இவ்வளவு விரைவில் போய்விட்டது நம்ப முடியவில்லை. பிரியங்காவின் வார்த்தைகள் இதயத்தை நெகிழ வைக்கின்றன” என்றுக் கருத்துகள் தெரிவித்து வருகின்றனர்.