காதலிக்க நேரமில்லை படத்தின் பர்ஸ்ட் சிங்கிள் அப்டேட் இதோ..!!

ஜெயம் ரவி நடிப்பில் உருவாகி உள்ள ‘காதலிக்க நேரமில்லை’ படத்தின் பர்ஸ்ட் சிங்கிள் குறித்த சூப்பரான அப்டேட் வெளியாகி உள்ளது.

தமிழ் சினிமாவில் இருக்கும் திறமை மிக்க பெண் இயக்குநர்களில் ஒருவராக வலம் வருபவர் கிருத்திகா உதயநிதி . இவரது இயக்கத்தில் வெளியான முதல் படமான ‘வணக்கம் சென்னை’ படம் பட்டிதொட்டி எங்கும் தூள் கிளப்பியது .

இதையடுத்து சில சூப்பர் ஹிட் படங்களை கொடுத்த இவரது இயக்கத்தில் அடுத்ததாக உருவாகி உள்ள திரைப்படமே ‘காதலிக்க நேரமில்லை’.

தமிழ் சினிமாவின் காதல் மன்னனாக வளம் வரும் ஜெயம் ரவி இப்படத்தில் கதையின் நாயகனாக நடிக்க அவருடன் நித்யா மேனன், யோகி பாபு, லால், வினய், லக்‌ஷ்மி ராமகிருஷ்ணன், ஜான் கோகேன், வினோதினி உள்ளிட்ட பல முன்னணி நட்சத்திரங்கள் நடிக்கின்றனர்.

ரெட் ஜெயன்ட் மூவிஸ் தயாரிப்பில் ஏ.ஆர்.ரஹ்மான் இசையமைப்பில் உருவாகும் இப்படத்தின் அப்டேட்டுக்காக ரசிகர்கள் காத்திருந்த நிலையில் தற்போது இப்படத்தின் பர்ஸ்ட் சிங்கிள் குறித்த சூப்பரான அப்டேட் வெளியாகி உள்ளது.

அதன்படி நாளை மாலை 5 மணிக்கு ‘என்னை இழுக்காதடி’ என்ற பாடல் வெளியாக உள்ளதாக படக்குழு சிறப்பு போஸ்டர் மூலம் அறிவித்துள்ளது.