AK 64 அப்டேட்டுக்காக காத்திருக்கும் ரசிகர்கள் – ‘மங்காத்தா’ ரீ-ரிலீஸில் ரூ.60 லட்சம் முன்பதிவு வசூல்

தமிழ் சினிமாவின் முன்னணி நட்சத்திரமான அஜித் தற்போது கார் ரேசிங் நடவடிக்கைகளில் முழு கவனம் செலுத்தி வருவதால், அவரது அடுத்த படமான AK 64 குறித்த அதிகாரப்பூர்வ அப்டேட்டை ரசிகர்கள் ஆவலுடன் காத்திருக்கின்றனர். இயக்குநர் ஆதிக் ரவிச்சந்திரன் இயக்கத்தில் உருவாக உள்ள இந்த படத்தின் படப்பிடிப்பு பிப்ரவரி மாதம் தொடங்கும் என கூறப்படுவதால், அதற்கு முன் அறிவிப்பு வெளியாகும் என்ற எதிர்பார்ப்பு நிலவி வருகிறது.

இந்த நிலையில், ரசிகர்களுக்கு உற்சாகம் அளிக்கும் வகையில் மங்காத்தா திரைப்படம் மீண்டும் திரையரங்குகளில் ரீ-ரிலீஸ் செய்யப்படுவதாக அறிவிக்கப்பட்டுள்ளது. வரும் ஜனவரி 23-ஆம் தேதி வெளியாகும் இந்த படம், முன்பதிவு தொடங்கிய சில மணி நேரங்களிலேயே நல்ல வரவேற்பை பெற்றுள்ளது. இதுவரை மட்டும் ரூ.60 லட்சம் வசூல் செய்துள்ளதாக தகவல்கள் வெளியாகியுள்ள நிலையில், அஜித் ரசிகர்கள் மத்தியில் கொண்டாட்ட சூழல் உருவாகியுள்ளது. AK 64 அப்டேட் தாமதமானாலும், ‘மங்காத்தா’ ரீ-ரிலீஸ் மூலம் ரசிகர்களின் எதிர்பார்ப்பும் உற்சாகமும் மேலும் அதிகரித்துள்ளதாக திரையுலக வட்டாரங்கள் தெரிவிக்கின்றன.