போட்டிக்கு மத்தியிலும் வசூல் வேட்டை! ‘திரௌபதி 2’ பாக்ஸ் ஆபிஸ் அப்டேட் 🔥

மோகன் ஜி இயக்கத்தில் ரிச்சர்ட் ரிஷி நடித்துள்ள திரௌபதி 2 திரைப்படம் கடந்த ஜனவரி 23-ஆம் தேதி திரையரங்குகளில் வெளியானது. முதல் பாகம் பெற்ற பெரிய வரவேற்பு காரணமாக, இரண்டாம் பாகத்திற்கு ரசிகர்கள் மத்தியில் அதிக எதிர்பார்ப்பு இருந்தது. ஆனால் அதே நாளில் அஜித்தின் மங்காத்தா ரீ-ரிலீஸ் ஆனதால், பெரிய திரையரங்குகளில் கடும் போட்டி ஏற்பட்டதாக கூறப்பட்டது.

இதுகுறித்து மோகன் ஜி வீடியோ வெளியிட்டு தனது ஆதங்கத்தையும் பகிர்ந்திருந்தார். இத்தனை சவால்களுக்கு மத்தியிலும், 14-ஆம் நூற்றாண்டின் வரலாற்றுப் பின்னணியையும், தற்கால அரசியல் கருத்துகளையும் இணைத்து பேசும் இந்த படம், பாக்ஸ் ஆபிஸில் மெதுவாக ஆனால் உறுதியான முன்னேற்றத்தை காட்டி வருகிறது. வெளியான 3 நாட்களில் இப்படம் ரூ.2 கோடி வரை வசூல் செய்துள்ளதாக தகவல்கள் வெளியாகி, போட்டிகள் இருந்தபோதிலும் திரௌபதி 2 தனது ரசிகர் ஆதரவால் வசூல் வேட்டையை தொடர்கிறது என்பதே தற்போது சினிமா வட்டாரங்களில் பேசப்படும் விஷயமாக உள்ளது. 🔥🎬