Malaysiaல் Ajith fans களைகட்டும் – ALMS ரேஸ் this weekend!🔥

அஜித் குமார் ரேசிங் அணி வரும் ஏஷியன் லே மான்ஸ் சீரிஸ் (ALMS) அடுத்த சுற்றில் அதிரடியாக பங்கேற்கிறது. இந்த முறை அணி இரண்டு கார்கள் என பெரிய அளவில் போட்டியில் இறங்கியுள்ளது. கார் #1–இல் இந்தியாவின் முன்னணி ரேசர் நரேன் கார்த்திகேயன், அஜித் குமார் மற்றும் ஜூலியன் ஜெர்பி ஒரே அணியாக களம் இறங்குகின்றனர். அதேபோல், கார் #8–இல் திறமையான ரேசர்கள் ஆதித்யா படேல் மற்றும் ரோமைன் வோஸ்னியாக் இணைந்து பங்கேற்க உள்ளனர்.

வரும் சனி மற்றும் ஞாயிற்றுக்கிழமைகளில் நடைபெறவுள்ள இந்த ALMS ரேஸ்கள் காலை 10 மணிக்குத் தொடங்குகிறது. முக்கிய போட்டிகளுக்கு முன்னதாக பயிற்சி ஓட்டங்கள் மற்றும் தகுதிச்சுற்றுகள் நடைபெற உள்ளதால், மலேசியா செபாங்க் சர்க்யூட் ஏற்கனவே ரேஸ் உற்சாகத்தில் திளைக்கிறது. குறிப்பாக அஜித் குமாரின் பங்கேற்பை முன்னிட்டு, ரசிகர்கள் மிகுந்த ஆவலுடன் அப்டேட்களை காத்திருக்கின்றனர். இந்த சர்வதேச ரேஸ் தொடரில் தமிழ் நட்சத்திரம் போட்டியிடுவது ரசிகர்களிடம் பெரும் பெருமையை ஏற்படுத்தியுள்ளது.