சாய் சுதர்சன், கருண் நாயருக்கு வாய்ப்பு ஏன்?.. கம்பீரை சாடிய ஆகாஷ் சோப்ரா!

மும்பை: இந்திய டெஸ்ட் அணியில் 3-ம் இட பேட்டிங் நிலை குறித்து தொடர்ந்து மாற்றங்கள் செய்யப்படுவது பெரும் விமர்சனமாகியுள்ளது. இங்கிலாந்து மற்றும் வெஸ்ட் இண்டீஸ் தொடர்களில் சாய் சுதர்சன், கருண் நாயர் ஆகியோர் மாறிமாறி பயன்படுத்தப்பட்ட நிலையில், கொல்கத்தாவில் தென்னாப்பிரிக்காவுக்கு எதிரான முதல் டெஸ்டில் வாஷிங்டன் சுந்தர் 3-ம் இடத்தில் களமிறங்கியதும் கேள்விகளை எழுப்பியது. சாய் சுதர்சன் 87 ரன் போன்ற நல்ல ஆட்டம் காட்டியும் நீக்கப்பட்டிருப்பது பாராட்டப்படவில்லை.

இதை முன்னாள் வீரர் ஆகாஷ் சோப்ரா கடுமையாக சாடி, “ஒவ்வொரு தொடருக்கும் வீரர்களை மாற்றுவது என்ன திட்டம்? சுந்தர்தான் நீண்டகாலம் எனில், சாய் சுதர்சன் மற்றும் கருண் நாயரை ஏன் இத்தனை நாள் சோதனை செய்தீர்கள்?” என்று கேள்வி எழுப்பினார்.

முக்கிய பேட்டிங் இடத்தில் இளம் வீரரை நீக்குவது அவரது நம்பிக்கையை பாதிக்கும் என சஞ்சய் பங்கரும் கவலை தெரிவித்துள்ளார். 3-ம் இடத்துக்கான நிலையான வீரர் இன்னும் கிடைக்காத நிலையில், அணியின் இந்த அணுகுமுறை ரசிகர்களையும் நிபுணர்களையும் குழப்பத்தில் ஆழ்த்தியுள்ளது.