சோதனை மேல் சோதனை : இந்தியன் 2 திரைப்படத்தின் 15 நிமிட காட்சிகள் நீக்கம்..!!

கமல்ஹாசனின் இந்தியன் 2 திரைப்படம் திரையரங்குகளில் வெளியாகி கலவையான விமர்சங்களை சந்தித்து வரும் நிலையில் தற்போது இப்படத்தின் நீளத்தை படக்குழு குறைந்துள்ளதாக அதிகாரப்பூர்வ தகவல் வெளியாகி உள்ளது .

கமல்ஹாசன் – ஷங்கர் காம்போவில் சுமார் 28 வருடங்களுக்கு பின் உருவாகி உள்ள திரைப்படம் இந்தியன் 2. இப்படத்தில் கமல்ஹாசனுடன் சேர்ந்து சித்தார்த், ப்ரியா பவானி சங்கர், எஸ்.ஜே.சூர்யா என பெரும் நட்சத்திர பட்டாளமே கமிட்டாகி நடித்துள்ளது .

லைக்கா நிறுவனம் பிரம்மாண்ட பொருட்செலவில் தயாரித்துள்ள இப்படத்தில் ராக் ஸ்டார் அனிருத் இசையமைத்துள்ளார் .

ரசிகர்களின் மிக பெரிய எதிர்பார்ப்புக்கிடையே தமிழ், தெலுங்கு இந்தி என மூன்று மொழிகளில் இப்படம் கடந்த 12 வெளியானது .

இந்த நிலையில் இந்தியன் 2 படம் எதிர்பார்த்த அளவிற்கு இல்லை என்றும் கொஞ்சம் அல்ல நிறைவே ஏமாற்றமாக உள்ளது என ரசிகர்கள் கருத்து வருகின்றனர். அதிலும் குறிப்பாக இப்படத்தின் நீளமே படத்தை மிகவும் போரடிக்க செய்வதாக பெரும்பாலான ரசிகர்கள் இணையத்தில் கருத்து கூறி வருகின்றனர் .

இதன்காரணமாக இந்தியன் 2 படத்தில் 15 நிமிட காட்சியை படக்குழு நீக்கி உள்ளதாக அதிகாரப்பூர்வ தகவல் வெளியாகி உள்ளது . நாளை முதல் நீக்கப்பட்ட காட்சிகளோடு திரைப்படம் ஒளிபரப்பப்படும் எனவும் தகவல் வெளியாகி உள்ளது.