8 நாட்களில் ₹12 கோடி – ‘சிறை’ பிளாக்பஸ்டர் ஹிட்🔥

கடந்த வாரம் திரையரங்குகளில் வெளியாகிய ‘சிறை’ திரைப்படம், ரசிகர்கள் மத்தியில் பெரும் வரவேற்பைப் பெற்று வெற்றிப் பாதையில் பயணித்து வருகிறது. அறிமுக இயக்குநர் சுரேஷ் ராஜகுமாரி இயக்கத்தில், விக்ரம் பிரபு ஹீரோவாக நடித்துள்ள இந்த படம், உண்மை சம்பவத்தை மையமாகக் கொண்டு உருவாக்கப்பட்டதால் ரசிகர்களிடையே கூடுதல் கவனம் பெற்றுள்ளது. கதையமைப்பு, நடிப்பு மற்றும் உணர்ச்சிப்பூர்வமான திரைக்கதை ஆகியவை படத்தின் முக்கிய பலங்களாக பேசப்பட்டு வருகின்றன.

விமர்சன ரீதியாகவும் வசூல் ரீதியாகவும் வெற்றி பெற்றுள்ள ‘சிறை’, உலகளவில் 8 நாட்களில் ரூ.12 கோடி வசூல் செய்து பிளாக்பஸ்டர் ஹிட்டாக மாறியுள்ளது. குறுகிய காலத்திலேயே இப்படம் பெற்ற இந்த சாதனை, படக்குழுவுக்கும் ரசிகர்களுக்கும் உற்சாகத்தை அளித்துள்ளது. தொடர்ந்து திரையரங்குகளில் வெற்றிகரமாக ஓடிக் கொண்டிருக்கும் ‘சிறை’, விக்ரம் பிரபுவின் கரியரில் இன்னொரு முக்கியமான படமாக அமைந்துள்ளது. 🎬🔥